မိုဘိုင်းဖုန်းများရဲ့ရာဇ၀င်

မိုဘိုင်းဖုန်းတွေလို့ပြောရင် လက်ကိုင်ဖုန်းသေးသေးလေးတွေလို့ တွေးမိပါလိမ့်မယ်။ အခုလက်ရှိသုံးနေတဲ့ မိုဘိုင်းဖုန်းတွေကတော့ ဟုတ်ပါတယ်။ မိုဘိုင်းဖုန်းတွေ ပေါ်ကာစက အရွယ်အစားကကြီးမား၊ လေးလံ၊ ပါဝါစားနှုန်းမြင့်တဲ့ ဖုန်းကြီးတွေ၊ သယ်လို့ရတယ်ဆိုရုံအဆင့် ဖုန်းတွေဖြစ်နေပါတယ်။

မိုဘိုင်းဖုန်းတွေ စတင်တီထွင်လာခဲ့တာ ၁၉၄၀ လောက်ကတည်းကဖြစ်ပြီး ၁၉၈၀ လောက်အထိ ကျယ်ကျယ်ပြန့်ပြန့် ဖြစ်မလာခဲ့ပါဘူး။ ဒါပေမယ့် ၂၀၁၁ ခုနှစ် အင်္ဂလန်နိုင်ငံမှာ မိုဘိုင်းဖုန်းတွေရဲ့ ဖုန်းခေါ်ဆိုမှု အကြိမ်ရေပေါင်းဟာ ကြိုးသုံးဖုန်းတွေခေါ်ဆိုမှုထက် သာခဲ့ပါတယ်။ ဒါဟာ ကြိုးသုံးဖုန်းတွေ အသုံးနည်းသွားပြီး နောက်ပိုင်း လုံးဝမသုံးတော့တဲ့အဆင့် ဖြစ်လာမယ့်လက်္ခဏာ ဖြစ်ပါတယ်။ ကျွန်တော်တို့ဆီမှာလည်း မိုဘိုင်းဖုန်းတွေ ပေါပေါများများသုံးလာတဲ့အတွက် လမ်းဘေးကြိုးဖုန်းငှားတဲ့ သူတွေ ခွင်ပျက်ကုန်ပါတယ်။ ဒါဟာ နည်းပညာတွေ တိုးတက်ပြောင်းလဲမှုရဲ့ သက်သေဖြစ်ပါတယ်။ အဲဒီမိုဘိုင်းဖုန်းတွေ ဘယ်အချိန်ကစပြီး၊ ဘယ်လိုတီထွင်ခဲ့ကြသလဲဆိုတာ စာဖတ်သူတွေ စိတ်ဝင်စားမယ် ထင်လို့ ဒီတပတ်အတွက် မိုဘိုင်းဖုန်း သမိုင်းကြောင်းလေး ရေးထားပါတယ်။

အစောပိုင်းကာလ တီထွင်မှု

+++++++++++++++

လက်ရှိအချိန်မှာ မိုဘိုင်းတွေလို့ ခေါ်လို့ရတဲ့အထိ ရောက်လာအောင် တီထွင်ခဲ့တာတွေကို ပြန်ကြည့်ရင် ၁၉၀၈ ခုကတည်းက စခဲ့တာတွေ့ရပါမယ်။ အဲဒီဖုန်းတွေဟာ ခရီးဆောင် မိုဘိုင်းဖုန်းတွေလို့ ပြောလို့မရသေးတဲ့ ကြိုးမဲ့ဆက်သွယ်ရေးကိရိယာတွေ ဖြစ်ပါတယ်။

၁၉၀၈ ခုနှစ်မှာ ပါမောက္ခ အဲလ်ဘတ်ဂျန့်ခ် (Albert Jahnke)နဲ့ Oakland Transcontinental Aerial Telephone and Power ကုမ္ပဏီတို့ကနေ ကြိုးမဲ့ဆက်သွယ်နိုင်တဲ့ဖုန်းကို တီထွင်ခဲ့ကြပါတယ်။

ဒါပေမယ့် ထုတ်လုပ်ရောင်းချတဲ့အဆင့် ရောက်မလာပါဘူး။၁၉၁၈ မှာ ဂျာမန်မီးရထားစနစ် (German Railroad System) ကနေ စစ်သုံးအတွက် ဂျာမနီနိုင်ငံ ဘာလင်မြို့နဲ့ ဇော့ဆီန်း (Zossen) မြို့၊ ၁၉၂၄ မှာ အများသုံးနိုင်တဲ့ ဘာလင်မြို့နဲ့ ဟမ်းဘတ်မြို့ ဆက်သွယ်မှုတွေအတွက် ကြိုးမဲ့ဖုန်းတွေကို စမ်းသပ်တီထွင် သုံးခဲ့ကြပါတယ်။

၁၉၂၅ မှာ မီးရထားသုံး တယ်လီဖုန်းစနစ်၊ ၁၉၂၆ မှာ တယ်လီဖုန်း ၀န်ဆောင်မှုပေးတဲ့ ရထား စတာတွေ။ အဲဒီနောက်ပိုင်း အမေရိကရဲ့ ၁၉၃၀ စီးပွားပျက်ကပ်နဲ့ ပထမကမ်္ဘာစစ်တွေကြောင့်လို့ ယူဆရပါတယ်။ ခရီးဆောင်ဖုန်းတွေတီထွင်တာသိပ်များများစားစား မတွေ့ခဲ့ရပါဘူး။

၁၉၄၀ မှာတော့ ကြိုးမဲ့ဆက်သွယ်ရေးဖုန်းတွေ စစ်တပ်အတွက်တီထွင်သုံးလာခဲ့ကြတာ တွေ့ရပါတယ်။

AM Radio Telephone (၁၉၂၂)

+++++++++++++++++++

၁၉၂၂မှာ အမေရိကန်နိုင်ငံ ချီကာဂိုမြို့ကရဲတွေ ရေဒီယို တယ်လီဖုန်းကို စမ်းသပ်နေကြပုံဖြစ်ပါတယ်။ သူတို့သုံးခဲ့တဲ့ ဖရီကွင်စီက AMရေဒီယိုဖရီကွင်စီနဲ့ အတူတူပဲဖြစ်ပါတယ်။

American Army (၁၉၄၀)

+++++++++++++++

အမေရိက ကြည်းတပ်ရဲ့ အချက်ပြဆက်သွယ်ရေး တပ်ဖွဲ့ဝင်တွေဒုတိယကမ္ဘာစစ်တုန်းက ၁၉၄၀ မှာ အသုံးပြုခဲ့တဲ့ ကြိုးမဲ့ဆက်သွယ်ရေးပစ္စည်းတွေဖြစ်ပြီး မြင်းရဲ့ကျောပေါ်မှာ တင်ထားရလောက်အောင် ကြီးမားလေးလံနေပါတယ်။

လက်ရှိမိုလ်ဘိုင်းဖုန်းတွေနဲ့ ယှဉ်ကြည့်ရင်တော့ လက်ကိုင်ဖုန်းလို့ဘယ်လိုမှ ပြောမှာမဟုတ်ပါဘူး။ အမေရိကန် ကြည်းတပ်၊ အချက်ပြဆက်သွယ်ရေးတပ်ဖွဲ့တွေမှာသုံးခဲ့တဲ့ မော်ဒယ် SCR-194 နဲ့ 195တွေဖြစ်ပြီး ခရီးဆောင် AM Radio တွေ ဖြစ်ပါတယ်။ အလေးချိန်၂၅ ပေါင်လေးပြီး ၅ မိုင်အကွာအဝေးအထိ ဆက်သွယ်နိုင်ပါတယ်။

ဒုတိယကမ္ဘာစစ်အတွင်း ခြေလျင်တပ်တွေမှာ သုံးခဲ့ပါတယ်။ အခုပြထားတဲ့ SCR-300 ရေဒီယိုဆက်သွယ်မူကိုတော့ အမေရိကန်စစ်တပ်အတွက် မိုတိုရိုလာကနေ တီထွင်ပေးခဲ့တာ ဖြစ်ပါတယ်။ ၃၂ ပေါင်ကနေ ၃၈ ပေါင်လေးပြီး ၃ မိုင် အကွာအဝေးအထိ ဆက်

သွယ်နိုင်ပါတယ်။ SCR-194 နဲ့ 195 တွေကို အစားထိုးသုံးစွဲခဲ့ပါတယ်။ အလုံးရေ ၅ သောင်း ထုတ်လုပ်ခဲ့ပြီး ဒုတိယကမ္ဘာစစ်အတွင်း မဟာမိတ်တပ်တွေ သုံးခဲ့ပါတယ်။ မော်ဒယ် SCR-536 လက်ကိုင် စကားပြောစက်ကို မိုတိုရိုလာက အလုံးရေ တစ်သိန်းသုံးသောင်းလောက်ထုတ်လုပ်ခဲ့ပြီး ဒုတိယကမ်္ဘာစစ်အတွင်း သုံးခဲ့ပါတယ်။ အလေးချိန် ၅ပေါင်ပဲလေးပြီး ကုန်းတွင်းမှာ ၁ မိုင်၊ ရေပြင်မှာ ၃ မိုင် အကွာအဝေးအထိ ပြောနိုင်ပါတယ်။

Mobile Telephone System

++++++++++++++++++

ဘဲလ်စစ်စတမ် (Bell System) ကနေ မိတ်ဆက်ခဲ့တဲ့ ပထမဦးဆုံး စီးပွားဖြစ်လုပ်ကိုင်ခဲ့တဲ့ မိုဘိုင်းတယ်လီဖုန်းဝန်ဆောင်မှုလုပ်ငန်းဖြစ်ပါတယ်။ အဲဒီ ၀န်ဆောင်မှုကို MTS (Mobile Telephone System) လို့ ခေါ်ပါတယ်။ အစောပိုင်းထုတ်လုပ်ခဲ့တဲ့ မူရင်းစက်ဟာပေါင် ၈၀ လေးပြီး AT&T ရဲ့ ကန့်သတ်လိုင်း (Band) တွေကိုပဲ သုံးလို့ရပါတယ်။ လစဉ်ကြေး ဒေါ်လာ ၃၀ (လက်ရှိ ပေါက်ဈေးနဲ့ဆိုရင်ဒေါ်လာ ၃၃၀ လောက် ရှိပါတယ်။) ပေးရပါမယ်။ ပြီးရင် ခေါ်ဆိုမှုတွေအတွက် အကြိမ်အရေအတွက်နဲ့ ထပ်ပေးရပါမယ်။ ကုန်တင်ယာဉ်အုပ်စုတွေ၊ သတင်းထောက်တွေ၊ ၀န်ဆောင်မှုပေးတဲ့သူတချို့ပဲ သုံးနိုင်ခဲ့ပါတယ်။

Ericsson’s Mobile System A

++++++++++++++++++++

အဲရစ်ဆင် (Ericsson) ရဲ့ တစိတ်တပိုင်း အလိုအလျောက် လုပ်ဆောင်ပေးနိုင်တဲ့ မော်တော်ယာဉ်သုံး မိုဘိုင်းစစ်စတမ် ဖြစ်ပါတယ်။ဆွီဒင်နိုင်ငံမှာ ဦးဆုံးသုံးပြီး ၈၈ ပေါင် လေးပါမယ်။ iPhome အလုံး၃၀၀ ရဲ့ အလေးချိန်နဲ့ညီမျှတဲ့ အလေးချိန်ဖြစ်ပါတယ်။

Commercial Mobile Phone (၁၉၅၉)

+++++++++++++++++++++++++

၁၉၅၉ မှာတော့ စီးပွားဖြစ် ထုတ်လုပ်ရောင်းချတဲ့အဆင့် ရောက်လာပါတယ်။ ကားတွေထဲမှာ တပ်ဆင်သုံးနိုင်ပြီး အရွယ်အစား သေးအောင် ပါဝါစားနှုန်းနည်းအောင် မလုပ်နိုင်သေးပါဘူး။

Portable (၁၉၇၂)

++++++++++++

၁၉၇၂ လန်ဒန်မှာကျင်းပခဲ့တဲ့ ဆက်သွယ်ရေးရဲ့ ဒီနေ့၊ မနက်ဖြန်၊

အနာဂတ်ပြပွဲ Communication Today, Tomorrow and the Future) မှာ မော်ဒယ်တယောက် ပြသနေတဲ့ ခရီးဆောင်တယ်လီဖုန်းဖြစ်ပါတယ်။ ပါဝါစားနှုန်း မသေးတဲ့အပြင် ဘက်ထရီတွေရဲ့ နည်းပညာအားနည်းချက် ကြောင့် ဘက်ထရီကိုကြိုးနဲ့ လွယ်ထားတာ တွေ့ရပါမယ်။အရင်က ကင်မရာသမားတွေ ဖလက်ဂန်း (Flesh Gun) ကို ပါဝါပေးဖို့ဘက်ထရီတွဲကြီးကို ကြိုးနဲ့လွယ်ထားတာ သတိရမိပါတယ်။

ခရီးဆောင်လက်ကိုင်ဖုန်းအစ

+++++++++++++++++

၁၉၇၃ မှာ မာတင်ကူးပါး (Martin Cooper) က နမူနာ လက်ကိုင်ဖုန်းတခုကို စတင်တီထွင်ခဲ့ပါတယ်။ အဲဒီဖုန်းဟာ ၁ ဒသမ ၁ကီလိုဂရမ် လေးပြီး အရွယ်အစား အမြင့် ၂၃ စင်တီမီတာ မြင့်ကာ အထူ ၁၃ စင်တီမီတာ၊ အကျယ်၎ ဒသမ ၄၅ စင်တီမီတာ ရှိပါတယ်။အဲဒီဖုန်းဟာ မိနစ် ၃၀ စကားပြောဖို့အတွက် ၁၀ နာရီ အားသွင်းထားဖို့လိုပါတယ်။ မာတင်ကူးပါးဟာ အဲဒီအချိန်က မိုတိုရိုလာရဲ့သုတေသီနဲ့အမှုဆောင် အရာရှိအဖြစ် တာဝန်ယူလုပ်ဆောင်ခဲ့ပါတယ်။ မိုတိုရိုလာရဲ့ခရီးဆောင်ဆက်သွယ်ရေးပစ္စည်း ထုတ်ကုန်ဌာန အကြီးအကဲဖြစ်သူကူးပါးရဲ့ အထက်အရာရှိ ဂျွန်အက်ဖ်မစ်ရှဲလ် (John F Mitchell) တို့ဟာ ခရီးဆောင် လက်ကိုင်ဖုန်းတွေထုတ်လုပ်မှုရဲ့ အဓိကအကျဆုံးလူတွေ ဖြစ်လာခဲ့ပါတယ်။ မိုတိုရိုလာကုမ္ပဏီဟာလည်း လက်ကိုင် ခရီးဆောင်ဖုန်းတွေ ပထမဦးဆုံး ထုတ်လုပ်တဲ့ကုမ်္ပဏီ ဖြစ်လာခဲ့ပါတယ်။

အဲဒီတီထွင်နိုင်ခဲ့မှုဟာ မိုတိုရိုလာကုမ်္ပဏီ (Mortorola) ကို သေးငယ်ပေါ့ပါးပြီး အလွယ်တကူ သယ်ဆောင်သွားနိုင်တဲ့ လက်ကိုင်ဖုန်းတွေတီထွင်ထုတ်လုပ်ဖို့ တွန်းအားပေးခဲ့ပြီး လက်ကိုင်ဖုန်းလောကမှာ မိုတိုရိုလာကုမ်္ပဏီဟာ အထင်ကရ ကုမ်္ပဏီကြီးတခု ဖြစ်လာခဲ့ပါတယ်။

Nokia Mobira Senator (၁၉၈၂)

+++++++++++++++++++

နိုကီယာ မိုဘိုင်းဖုန်းတွေဖြစ်လာဖို့ စတင်ခဲ့တဲ့ဖုန်းက Mobira Senator ဖုန်း ဖြစ်ပါတယ်။ အလေးချိန် ၂၁ ပေါင် လေးပြီး ကားဖုန်းအနေနဲ့ သုံးဖို့ရည်ရွယ်ထားပါတယ်။

Motorola Dyna TAC 8000X (၁၉၈၃)t

+++++++++++++++++++++++++

၁၉၈၃၊ မတ်လ ၆ ရက်နေ့မှာ မိုတိုရိုလာရဲ့ ဒိုင်နာတက် Dyna TAC 8000X မိုဘိုင်းဖုန်းတွေ စတင်ဈေးကွက်တင်ခဲ့ပါတယ်။ အမေရိကန်ရဲ့ ပထမဦးဆုံး 1Gကွန်ရက်ဖြစ်တဲ့ Ameri-tech ကွန်ရက်နဲ့ တွဲသုံးခဲ့ပါတယ်။ ကုန်ကျစရိတ် ဒေါ်လာသန်း ၁၀၀ ကုန်ကျခဲ့ပြီး ဈေးကွက်တင်ဖို့အတွက် ၁၀ စုနှစ်တခုကျော် ကြာပါတယ်။

နမူနာ စမ်းသပ်ခဲ့တဲ့ ဖုန်းတုန်းကလိုပဲ အဲဒီဖုန်းဟာ မိနစ် ၃၀ လောက် စကားပြောဖို့အတွက် ၁၀ နာရီ အားသွင်းထားဖို့ လိုပါတယ်။ဆက်သွယ်ရေး နည်းပညာတွေမှာ ဒုတိယမျိုးဆက်အနေနဲ့ တိုးတက်လာခဲ့မှုက SMS ဒါမှမဟုတ် စာသားတွေ ရိုက်ထည့်ပေးပို့နိုင်တဲ့(Text Messaging) လုပ်ဆောင်ချက် ဖြစ်ပါတယ်။

အစပိုင်းမှာ အဲဒီလုပ်ဆောင်ချက် GSM ကွန်ရက်မှာပဲ အလုပ်လုပ်သုံးခဲ့ပြီး နောက်ပိုင်းဒစ်ဂျစ်တယ် ကွန်ရက်တွေ အားလုံးသုံးခဲ့ပါတယ်။ ဖုန်းကနေပထမဦးဆုံး SMS ပေးပို့မှုကို ယူနိုက်တက်ကင်းဒမ်း (UK) မှာ၁၉၉၂ ဒီဇင်ဘာ ၃ ရက်နေ့မှာ စတင်ခဲ့ပြီး ၁၉၉၃ မှာတော့ ဖင်လန်နိုင်ငံမှာ စတင်ခဲ့ပါတယ်။ မိုဘိုင်းဖုန်းတွေအတွက် အခကြေးငွေပေးပြီး ဒေါင်းလုပ် (Download)လုပ်တဲ့ ၀န်ဆောင်မှုကို ၁၉၉၈ မှာ ဖင်လန်နိုင်ငံရဲ့ Radidinja (အခုElisa) ကနေ ဖုန်းမြည်တဲ့ Ring Tone တွေ အမျိုးမျိုးကို ဒေါင်းလုပ်လုပ် ၀ယ်ယူနိုင်စေခဲ့ပါတယ်။

ပထမဦးဆုံး ကြော်ငြာလုပ်ငန်းအနေနဲ့ သတင်းခေါင်းကြီးပိုင်းတွေကို SMS ပေးပို့နိုင်တဲ့ လုပ်ငန်းလုပ်ခဲ့ပြီး ၂၀၀၀ ပြည့်နှစ် ဖင်လန်နိုင်ငံမှာ ကြော်ငြာရှင်ရဲ့စပွန်ဆာနဲ့ စတင်ခဲ့ပါတယ်။ မိုဘိုင်းငွေချေတဲ့စနစ် (Mobile Payments) ကို ဖင်လန်နိုင်ငံနဲ့ ဆွီဒင်နိုင်ငံမှာ ၁၉၉၈ က စတင်အသုံးပြုခဲ့ပါတယ်။ ကိုကာကိုလာ အရောင်းစက်တွေနဲ့ ကားပါကင်ထိုးတဲ့ အခကြေးငွေတွေကို မိုဘိုင်းဖုန်းသုံးပြီး ပေးချေနိုင်ခဲ့ပါတယ်။ နော်ဝေမှာ ပထမဦးဆုံး စီးပွားရေးလုပ်ငန်းအဆင့် လုပ်ဆောင်မှုကို ၁၉၉၉ မှာ စတင်ခဲ့ပြီး ဖိလစ်ပိုင်နိုင်ငံ မှာတော့ ဘဏ်လုပ်ငန်းနဲ့ ခရက်ဒစ်ကတ်တွေအတွက် ငွေပေးချေမှုတွေကို မိုဘိုင်းအော်ပရေတာ Globe နဲ့ Smart  တို့ကနေ ၁၉၉၉ မှာပဲ စတင်ခဲ့ပါတယ်။

မိုဘိုင်းဖုန်းတွေကနေ အင်တာနက်ကို အပြည့်အ၀ သုံးနိုင်တဲ့ပထမဦးဆုံး ၀န်ဆောင်ပေးတာက ဂျပန်နိုင်ငံက NTT DoCoMoဖြစ်ပြီး ၁၉၉၉ မှာ စတင်ခဲ့ပါတယ်။ ၁၉၉၇ ကနေ ၂၀၀၃ ခုနှစ်လောက် အတွင်း မိုဘိုင်းနဲ့ မိုဒမ်း (Modern) တွေ သုံးနိုင်ခဲ့တဲ့ Personal Handy-phone System ဖုန်းတွေ ရေပန်းစားခဲ့ပါတယ်။၁၉၉၉ ခုနှစ် ဂျပန်နိုင်ငံ NTT DoCoMo ကနေ၀န်ဆောင်မှုအပြည့်အ၀ ၀န်ဆောင်ပေးနိုင်တဲ့ မိုဘိုင်းတွေ တီထွင်နိုင်ခဲ့ပါတယ်။

၂၀၀၁ ခုနှစ် အောက်တိုဘာလ ၁ ရက်မှာတော့ ပထမဦးဆုံ3းG ကွန်ရက်ဝန်ဆောင်မှုကို NTT DoCoMo ကပဲ စတင်သုံးခဲ့ပါတယ်။

၂၀၀၆ မှာ သုံးခဲ့တဲ့ မိုဘိုင်းဖုန်းတွေက တော်ရုံ ကင်မရာလောက်ရိုက်ကူးပေးနိုင်နေပြီး မိုဘိုင်းဖုန်းတွေဟာ ကင်မရာနဲ့ တတွဲတည်း ဖြစ်လာပါတယ။် နောက်ပိုင်းထုတ်တဲ့တချို့ဖုန်းတွေဆိုရင် ရှုခင်းတွေကိုရိုက်ဖို့ ကင်မရာ တခု၊ နှစ်ဖက်စလုံးမှာ ကင်မရာသုံးထားတဲ့ဖုန်းတွေ ရှိလာပါပြီ။

၂၀၀၇ မှာတော့ စာရိုက်ပြီး စကားပြောတဲ့ Text Messagingဟာ မိုဘိုင်းဖုန်းတလုံးမှာ မပါမဖြစ်တဲ့ လုပ်ဆောင်ချက်တခု ဖြစ်လာခဲ့ပါတယ်။

၂၀၀၈ က မိုဘိုင်းဖုန်းလောကအတွက် ထူးခြားတဲ့ နှစ်တနှစ် ဖြစ်ခဲ့ပြီး ကွန်ပျူတာကုမ်္ပဏီကြီးတခုဖြစ်တဲ့ အက်ပဲလ်ကနေ သူ့ရဲ့ စမတ်ဖုန်း iPhone ကို စတင်မိတ်ဆက် ဈေးကွက်တင်ခဲ့ပါတယ်။ အက်ပဲလ်ရဲ့ ထုံးစံအတိုင်းဒီဇိုင်း၊ သုံးရလွယ်ကူမှု၊ စွမ်းဆောင်ရည် မြင့်မားမှုတွေကြောင့် နာမည်ကြီး၊ ရေပန်းအစားဆုံး ဖုန်းတခုဖြစ်ခဲ့ပါတယ်။

အဲဒီနောက်ပိုင်းမှာတော့ အများသိထားကြတဲ့ မိုဘိုင်းဖုန်းတွေနဲ့ စမတ်ဖုန်းတွေကို Sony, HTC, Samsung, LG, Google, Huawei စတဲ့ ကုမ္ပဏီတွေကနေ အပြိုင်အဆိုင်ထုတ်လုပ်ခဲ့ကြတာ ဒီနေ့တွေ့မြင်နေကြရပြီ ဖြစ်ပါတယ်။

ဖိုးနိုင်ဝင်း(မာစတာပိစ်)