လူငယ်များအတွက် နည်းပညာ (IT For Youths): July 2014

Wednesday, July 30, 2014

အိုင်တီခေတ်၏ မိုဘိုင်းစားသောက်ဆိုင်

မိမိတို့ငယ်စဉ်က ရေခဲမုန့်ရောင်းသည့်ကားများ သီချင်းတကြော်ကြော်ဖြင့် ဖြတ်သွားသည့်မြင်ကွင်းကို မှတ်မိကြပါလိမ့်မည်။ ယင်းကားနောက်မှ ကလေးများတရုန်းရုန်းလိုက်ကြသည်ကိုလည်း သတိရမိသည်။ သီချင်းသံက ရေခဲမုန့်ကားအတွက် ကြော်ငြာဖြစ်ပါသည်။ ယနေ့တိုင် ယင်းရေခဲမုန့်ကားများ အလုပ်ဖြစ် သေးသလို အခြားအစားအသောက်ကားများလည်း လမ်းမပေါ်တွင် နေရာယူလာနေသည်။ သို့သော် ကျယ်လောင်လှသည့် လော်စပီကာအသံများနှင့်တော့မဟုတ်တော့ပါ။ အသံမထွက်သော်လည်း ခရီးတာ သွားလှသည့် အင်တာနက်ကွန်ရက်များမှဖြစ်သည်။

ရုံးသမား၊ အလုပ်သမားများပြားသော လူစည်ကားရာနေရာများတွင် ဆိုင်ခန်းများက ဈေးကြီးသည်။ ယင်းအတွက် အစားအသောက်ကလည်း ဈေးကြီးလာသည်။ လမ်းဘေးဈေးသည်များကို ယာဉ်ကြော၊ လမ်းကြောပိတ်၍ ရောင်းဝယ်ခွင့်မပြု။ ထိုအခါ အမေရိကန်နိုင်ငံမြို့ကြီးများတွင် ယင်းလမ်းဘေးဈေးသည် လိုအပ်ချက်ကို Food Truck ဟုခေါ်သည့် ထရပ်ကားများဖြင့် လှည့်လည်ရောင်းချသည့် နေ့လယ်စာထရပ်ကားလုပ်ငန်းများက အစားထိုးဝင်ရောက်လာသည်။ ကားတွင်းတော့ဝင်ထိုင်၍မရပါ။ ယင်းတို့ကို မိုဘိုင်းစားသောက်ဆိုင် (ရွှေ့ပြောင်းစားသောက်ဆိုင်)ဟုလည်း လူသိများသည်။ နေ့လည်ထမင်းစားချိန်နီးလျှင် မြို့တွင်းတွင် ယင်းအစားအသောက်ကားများ ခေတ္တရပ်နားခွင့်ရသည့် နေရာတွင် နိုင်ငံတကာမှအစားအစာများကို ကားပေါ်၌ရောင်းချနေသည့်မြင်ကွင်းကို နေရာတကာတွေ့လာ ရသည်။ အစားအစာအဖြစ်မှတ်ပုံတင်ရပြီး ကားပေါ်တွင်ပါသည့် မီးဖို၊ ရေခဲသေတ္တာ၊ သန့်ရှင်းရေး၊ လုံခြုံရေးတို့ကို ပုံမှန်စစ်ဆေးခံရသည်။ ယနေ့ဆိုလျှင် ယင်းကားစားသောက်ဆိုင်လုပ်ငန်းသည် အတော်ပင်ကြီးမားလာနေသည်။

ဈေးချင်းတူလျှင်ပင် ကားဖြင့်လာရောင်းသော အစားအသောက်ကို စိတ်ဝင်တစားစောင့်ပြီး တန်းစီဝယ်သူကမနည်းလှပါ။ တရုတ်၊ ကိုရီးယား၊ အိန္ဒိယ၊ စပိန်၊ မက္ကဆီကို၊ အမေရိကန်၊ ဗီယက်နမ်နှင့် နိုင်ငံပေါင်းစုံမှ အစားအသောက်များကို ကိုယ်သန်ရာချက်ပြုတ်ရောင်းချကြသည်။

လောစ်အိန်ဂျလိစ်အခြေစိုက် လမ်းဘေးအစားအစာလုပ်ငန်း ကုမ္ပဏီကြီးတစ်ခု၏ ထုတ်ပြန်ချက်အရ ယင်းလုပ်ငန်းတွင် ဒေါ်လာသန်းတစ်ထောင့်လေးရာကျော် လည်ပတ်နေသည်ဟုဆိုသည်။ ပြီးခဲ့သည့်ငါးနှစ် အတွင်း မိုဘိုင်းစားသောက်ဆိုင်လုပ်ငန်း ၁၅ ရာခိုင်နှုန်းတိုးလာသည်ဟုဆိုသည်။ မိုဘိုင်းကားစားသောက် ဆိုင် အရေအတွက်အစစ်အမှန်ကို သိရန်တော့မလွယ်ပါ။

အများအားဖြင့် ဈေးချိုပြီးအမျိုးစုံလှသည့် မနက်စာ၊ နေ့လယ်စာများကို ၀ယ်ယးစားသောက်နိုင်ခြင်းကြောင့် ရုံးသမားများအသုံးများလာသည်။ လုပ်ငန်းကို မိသားစု (သို့မဟုတ်) မိတ်ဆွေနှစ်ဦး၊ သုံးဦးဖြင့် စတင်နိုင်သလို ကားတစ်စီးရင်းပြီးလျှင် လုပ်ငန်းစ၍ရနေပြီဖြစ်သောကြောင့် လုပ်ကိုင်လာသူကလည်း များပြားလာသည်။

ဆိုင်ခန်းငှားရမ်းပြီး ဆိုင်ဖွင့်ရာတွင် အရင်းအနှီးကြီးလှသည့်အပြင် အရောင်းထိုင်းလျှင် ပတ်ဝန်းကျင်ကအလုပ်မဖြစ်လျှင် အရှုံးပေါါ်တတ်သည့် ဆိုင်ရှင်များ၏ဒုက္ခကို မိုဘိုင်းစားသောက်ဆိုင်များက ရှောင်လွှဲနိုင်ကြသည်။

ထိုမိုဘိုင်းစားသောက်ဆိုင်များတွင်ဝက်ဘ်ဆိုက်များရှိပြီး စားသုံးသူများက ထိုဝက်ဘ်ဆိုက်နှင့် Add လုပ်ထားလျှင် ကားဘယ်ရောက်နေပြီဆိုသည်ကို Message ပို့ပေးသည်။ ထိုမိုဘ်ိုင်းတွင် မည်သည့်အစားအသောက်များပါသည်၊ မည်သည့်လမ်းထောင့်ကို မည်သည့်အချိန်တွင်ရောက်မည်ကို အချိန်နဲ့တပြေးညီပို့ပေးနေနိုင်သောကြောင့် ၀ယ်စားမည့်သူများလည်း လာစောင့်နေနိုင်သည်။ ၀ယ်သူများလည်း အဆင်ပြေ၊ ရောင်းသူများလည်း အရောင်းသွက်သည့်နေရာကို အချိန်မရွေးပြောင်းရွှေ့နိုင်သည်။

ယင်းလုပ်ငန်းစတင်လာခဲ့သည်မှာ အချိန်အတိုင်းအတာတစ်ခု ရှိခဲ့ပြီဖြစ်သော်လည်း စမတ်ဖုန်းကိုအသုံးများလာသည့် ယခုအချိန်ကဲ့သို့ ဖေ့စ်ဘွတ်၊ တွစ်တာတို့မှတစ်ဆင့် စားသုံးသူနှင့် တိုက်ရိုက်ဆက်သွယ်ကြော်ငြာလာနိုင်ချိန်တွင် အောင်မြင်မှုသရဖူဆောင်းတော့သည်။ ဖေ့စ်ဘွတ်မှ အခကြေးငွေမကုန်ဘဲ ကြော်ငြာနိုင်၊ ချိတ်ဆက်နိုင်ခြင်းက ကားစားသောက်ဆိုင်လုပ်ငန်းလို ကိုယ်ပိုင်လုပ်ငန်းငယ်လေးများကို အတောင်တပ်ပေးလိုက်ခြင်းပင်ဖြစ်သည်။ လုပ်ငန်းအကြီးအငယ်ကိုလိုက်၍ ဒေါ်လာ ၂၅၀၀၀ တန်မှ တစ်သိန်းကျော်တန်ကားစားသောက်ဆိုင်များရှိပြီး မိမိပရိသတ်နှင့် မိမိပင်ဖြစ်သည်။

ကားစားသောက်ဆိုင်များတွင် တစ်နေ့တစ်မျိုးပြောင်းစားသူများလည်းရှိသည်။ ကိုယ်ကြိုက်သည့်ကားကို စောင့်စားသည့်သူလည်းရှိသည်။ စားသောက်ကားများရပ်နားထားသည့် အနီးအနားတွင် ပန်းခြံများလည်းရှိသောကြောင့် နေ့လည်စာဘူးကို ပန်းခြံအတွင်း လွတ်လွတ်လပ်လပ် ထိုင်စားရခြင်းကလည်း အပန်းဖြေနည်းတစ်မျိုးပင်ဖြစ်သည်။ အားကစားပွဲများ၊ ပျော်ပွဲရွှင်ပွဲများတွင်လည်း ယင်းကားများက သယ်ဆောင်လာသည့် အစားအသောက်များကြောင့် ပွဲဈေးတန်းလွယ်လွယ်ကူကူဖြစ်သွားသလို စနေ၊ တနင်္ဂနွေလို အားလပ်ရက်မျိုးတွင် မိသားစုအပန်းဖြေပွဲရှာသူများကို ကာစားသောက်ဆိုင် (သို့မဟုတ်) မိုဘိုင်းစားသောက်ဆိုင်များက မိုဘိုင်းဖုန်းပေါ်မှတစ်ဆင့် အစားမျိုးစုံဖြင့် ဖိတ်ခေါ်နေတော့သည်။ အင်တာနက်အထောက်အကူဖြင့် အောင်မြင်သည့် မိုဘိုင်းလုပ်ငန်းများထဲမှတစ်ခုပင် ဖြစ်ပါသည်။

ခင်မေဇော် (၀ါရှင်တန်ဒီစီ)

7 Day Daily (31-07-2014)

အိုင်တီခေတ်၏ မိုဘိုင်းစားသောက်ဆိုင်

မိမိတို့ငယ်စဉ်က ရေခဲမုန့်ရောင်းသည့်ကားများ သီချင်းတကြော်ကြော်ဖြင့် ဖြတ်သွားသည့်မြင်ကွင်းကို မှတ်မိကြပါလိမ့်မည်။ ယင်းကားနောက်မှ ကလေးများတရုန်းရုန်းလိုက်ကြသည်ကိုလည်း သတိရမိသည်။ သီချင်းသံက ရေခဲမုန့်ကားအတွက် ကြော်ငြာဖြစ်ပါသည်။ ယနေ့တိုင် ယင်းရေခဲမုန့်ကားများ အလုပ်ဖြစ်သေးသလို အခြားအစားအသောက်ကားများလည်း လမ်းမပေါ်တွင် နေရာယူလာနေသည်။ သို့သော် ကျယ်လောင်လှသည့် လော်စပီကာအသံများနှင့်တော့မဟုတ်တော့ပါ။ အသံမထွက်သော်လည်း ခရီးတာသွားလှသည့် အင်တာနက်ကွန်ရက်များမှဖြစ်သည်။

ရုံးသမား၊ အလုပ်သမားများပြားသော လူစည်ကားရာနေရာများတွင် ဆိုင်ခန်းများက ဈေးကြီးသည်။ ယင်းအတွက် အစားအသောက်ကလည်း ဈေးကြီးလာသည်။ လမ်းဘေးဈေးသည်များကို ယာဉ်ကြောလမ်းကြောပိတ်၍ ရောင်းဝယ်ခွင့်မပြု။ ထိုအခါ အမေရိကန်နိုင်ငံမြို့ကြီးများတွင် ယင်းလမ်းဘေးဈေးသည် လိုအပ်ချက်ကို Food Truck ဟုခေါ်သည့် ထရပ်ကားများဖြင့် လှည့်လည်ရောင်းချသည့် နေ့လယ်စာထရပ်ကားလုပ်ငန်းများက အစားထိုးဝင်ရောက်လာသည်။ ကားတွင်းတော့ဝင်ထိုင်၍မရပါ။ ယင်းတို့ကို မိုဘိုင်းစားသောက်ဆိုင် (ရွှေ့ပြောင်းစားသောက်ဆိုင်)ဟုလည်း လူသိများသည်။ နေ့လည်ထမင်းစားချိန်နီလျှင် မြို့တွင်းတွင် ယင်းအစားအသောက်ကားများ ခေတ္တရပ်နားခွင့်ရသည့်နေရာတွင် နိုင်ငံတကာမှအစားအစာများကို ကားပေါ်၌ရောင်းချနေသည့်မြင်ကွင်းကို နေရာတကာတွေ့လာရသည်။ အစားအစာအဖြစ်မှတ်ပုံတင်ရပြီး ကားပေါ်တွင်ပါသည့် မီးဖို၊ ရေခဲသေတ္တာ၊ သန့်ရှင်းရေး၊ လုံခြုံရေးတို့ကို ပုံမှန်စစ်ဆေးခံရသည်။ ယနေ့ဆိုလျှင် ယင်းကားစားသောက်ဆိုင်လုပ်ငန်းသည် အတော်ပင်ကြီးမားလာနေသည်။

လောစ်အိန်ဂျလိစ်အခြေစိုက် လမ်းဘေးအစားအစာလုပ်ငန်း ကုမ္ပဏီကြီးတစ်ခု၏ ထုတ်ပြန်ချက်အရ ယင်းလုပ်ငန်းတွင် ဒေါ်လာသန်းတစ်ထောင့်လေးရာကျော် လည်ပတ်နေသည်ဟုဆိုသည်။ ပြီးခဲ့သည့်ငါးနှစ်အတွင်း မိုဘိုင်းစားသောက်ဆိုင်လုပ်ငန်း ၁၅ ရာခိုင်နှုန်းတိုးလာသည်ဟုဆိုသည်။ မိုဘိုင်းကားစားသောက်ဆိုင် အရေအတွက်အစစ်အမှန်ကို သိရန်တော့မလွယ်ပါ။

ခင်မေဇော် (၀ါရှင်တန်ဒီစီ)

7 Day Daily (31-07-2014)

Friday, July 25, 2014

အင်တာနက်သာ မရှိတော့ရင်

၂၁ ရာစုနှောင်းပိုင်းမှာ လူတွေကြားထဲ ရေပန်းစားလာခဲ့တဲ့ စကားလုံးတစ်လုံးရှိပါတယ်။ အဲဒါကတော့ တခြားမဟုတ်ပါဘူး။ အင်တာနက်လိုင်း မကောင်းဘူးပဲဖြစ်ပါတယ်။ အခုချိန်မှာ အင်တာနက်ရဲ့ အရေးပါမှုကလည်း တဖြည်းဖြည်း တွင်ကျယ်လာတဲ့အခါမှာ အင်တာနက်ကို အားကိုးရတဲ့ ပမာဏကလည်း များပြားလာပါတယ်။ အင်တာနက်ဆိုတာကလည်း မိမိတို့ သိလို၊ တတ်လိုတဲ့ အသိပညာ အတတ်ပညာမှန်သမျှကို စိတ်ရှိလက်ရှိ မွှေနှောက်နိုင်တဲ့ ဗိမာန်ကြီးတစ်ခုလိုဖြစ်နေတော့ ဒီလိုမျိုး အင်တာနက်ကို အလွန်တရာ အားကိုးလာတာကို အပြစ်လို့ မဆိုသာတော့ပါဘူး။

လူငယ်တွေအနေနဲ့ အင်တာနက်ပေါ်မှာ အချိန်ဖြုန်းတာများလာသလို လူကြီးတွေအနေနဲ့ကလည်း အင်တာနက်ကတစ်ဆင့် ဆက်သွယ်ကြ၊ စာဖတ်ကြနဲ့ ခေတ်သစ်လူနေမှုဘ၀မှာ အင်တာနက်က ရာခိုင်နှုန်းတော်တော်များများကို ချုပ်ကိုင်လာနိုင်ပါတယ်။ ဒါဆိုရင် ဒီလိုအလွန်တရာအားကိုးနေရတဲ့ အင်တာနက်ကြီး ရုတ်တရက်ပြတ်တောက်သွားမယ်၊ အင်တာနက်ကို လုံးဝလုံးဝ အသုံးပြုလို့ မရတော့ဘူးဆိုရင် ဘယ်လိုဖြစ်ကြမလဲ။ ဒီကိစ္စကို PC Pro မဂ္ဂဇင်း အယ်ဒီတာ နီကိုးလ်ကိုဘီက ဆောင်းပါးတစ်ပုဒ်ရေးသားထားပါတယ်။

အင်တာနက်ဆိုတာ ဖွံ့ဖြိုးဆဲနိုင်ငံတွေမှာ အရှိန်အဟုန်ကောင်းကောင်းနဲ့ တိုးတက်လာနေတဲ့ နည်းပညာတစ်ရပ် ဖြစ်ပေမယ့် ဖွံ့ဖြိုးတိုးတက်ပြီး နိုင်ငံတွေမှာတော့ အားကောင်းနေပြီးသားဖြစ်တဲ့ နည်းပညာပါပဲ။ ဒီလိုမျိုး နိုင်ငံကြီးတွေမှာလည်း အင်တာနက်ကို အားကိုးအားထားရမှုက တခြားဖွံ့ဖြိုးဆဲနိုင်ငံတွေထက် ပိုပါတယ်။ ဆိုရမယ်ဆိုရင် ဗြိတိန်လို၊ အမေရိကန်လို နိုင်ငံမျိုးမှာ အင်တာနက်ပြတ်တောက်ဖို့ဆိုတာ အခုချိန်မှာ လုံးဝမဖြစ်နိုင်တဲ့ ကိစ္စတစ်ရပ်ပါပဲ။ ကျွမ်းကျင်ပညာရှင်များကတောင် ဒီကိစ္စက မဖြစ်နိုင်ဘူးလို့ အခိုင်အမာ ပြောကြားထားပါတယ်။

ဒါပေမဲ့လည်း Cambridge တက္ကသိုလ် ကွန်ပျူတာဌာန နက်ဝက်ခ်စနစ်များရဲ့ ပါမောက္ခ ဂျွန်ခရောင်းဖို့ကတော့ သူ့ရဲ့ သုတေသနတွေအရ အင်တာနက် ပြတ်တောက်မှုဆိုတာက လျှပ်စစ်ပြတ်တောက်မှု၊ ရေပြတ်တောက်မှု၊ ဖြစ်နိုင်ခြေအနေအထားမှာ ရှိတယ်လို့ ဆိုထားပါတယ်။

တကယ်တော့ အင်တာနက်ပြတ်တောက်ဖုိ့ဆိုတာ နည်းလမ်းအမျိုးမျိုးနဲ့ ဖြစ်ပေါ်နိုင်ပါတယ်။ အစိုးရက ရည်ရွယ်ချက်ရှိရှိ ဖြတ်တောက်၍ ဖြစ်စေ၊ လျှပ်စစ်လိုင်း ပြတ်တောက်လို့ဖြစ်စေ၊ အကြမ်းဖက်အဖွဲ့များက တိုက်ခိုက်လို့ဖြစ်စေ၊ ဟက်ကာများက တိုက်ခိုက်လို့ဖြစ်စေ နည်းလမ်းအမျိုးမျိုးးနဲ့ ပြတ်တောက်သွားနိုင်ပါတယ်။

ပါမောက္ခ ခရောင်းဖို့ရဲ့ အဆိုကို ထောက်ခံတဲ့အချက်တွေကလည်း ၂၀၁၄ ခုနှစ်မှာ အဆက်မပြတ်ကို ဖြစ်ပေါ်လာနေပါတယ်။ ဒီနှစ်ထဲမှာပဲ အကြမ်းဖက်မှုတွေကြောင့် အီဂျစ်နဲ့ ဆီးရီးယားနိုင်ငံတွေမှာ အင်တာနက်ကို အစိုးရက ခေတ္တပိတ်ထားခဲ့ရပါတယ်။

“အီဂျစ်နဲ့ ဆီးရီးယား၊ ဆူဒန်တို့လို နိုင်ငံတွေမှာ အင်တာနက်ပြတ်တောက်သွားတာက ထင်ရှားတဲ့ ဥပမာတွေပဲ၊ နိုင်ငံတွေမှာ အင်တာနက်ပြတ်တောက်သွားပြီဆိုရင် ကမ္ဘာကြီးနဲ့ဆက်သွယ်ဖို့ဆိုတာ အလွန်တရာမှ ခက်ခဲသွားပါပြီ”ဟု ခရောင်းဖို့က ဆိုခဲ့ပါတယ်။

နိုင်ငံတစ်နိုင်ငံမှာ အင်တာနက်ပြတ်တောက်သွားမယ်ဆိုရင် ပထမဆုံးကြုံတွေ့နိုင်ရတဲ့ အခက်အခဲက ဆက်သွယ်ရေးပဲ ဖြစ်ပါတယ်။ သာမန်ပြည်သူတွေ အချင်းချင်းဆက်သွယ်ရ ခက်ခဲသွားနိုင်သလို အစိုးရဌာန အချင်းချင်းလည်း သတင်းထုတ်ပြန်မှု၊ သတင်းပေးပို့မှုတွေက တစ်မုဟုတ်ချင်း ပြတ်တောက်သွားနိုင်တဲ့ ဒုက္ခနဲ့ ရင်ဆိုင်သွားရနိုင်ပါတယ်။

ဒါ့အပြင် နိုင်ငံအချင်းချင်း ဆက်သွယ်မှုတွေက ခက်ခဲနှေးကွေးသွားနိုင်ပြီး အင်တာနက်မရှိတဲ့ နိုင်ငံအတွင်း ဖြစ်ပေါ်နေတဲ့ အချင်းအရာတွေကိုလည်း အခြားနိုင်ငံများက မသိနိုင်တော့တဲ့အတွက် နိုင်ငံအတွင်း အကြမ်းဖက်မှုတွေ ဖြစ်ပွားနေရင်တောင် အခြားနိုင်ငံတွေက သိဖို့ အခွင့်အရေး နည်းပါးသွားနိုင်လိမ့်မယ်လို့ အီဂျစ်၊ ဆီးရီးယား အင်တာနက်ပြတ်တောက်မှုကို ကနဦးသိရှိခဲ့တဲ့ Renesys နက်ဝက်ခ် ကုမ္ပဏီရဲ့ နည်းပညာအကြီးအကဲ ဂျင်ကိုဝီက ပြောကြားခဲ့ပါတယ်။

“မြောက်ကိုရီးယားလို နိုင်ငံမျိုးမှာ အင်တာနက်ပြတ်တောက်သွားမယ်၊ အကြမ်းဖက်မှုတွေ ဖြစ်ပွားနေတဲ့ ဆီးရီးယားလို နိုင်ငံမျိုးနဲ့ အာဖဂန်လိုနိုင်ငံမျိုးတွေမှာ အင်တာနက်ပြတ်တောက်သွားမယ်ဆို အဲဒီက သတင်းတွေ ရယူနေတဲ့ သတင်းသမားတွေသာမက၊ အစိုးရအတွက် နိုင်ငံတကာကို သတင်းထုတ်ပြန်ဖို့ ခက်ခဲသွားလိမ့်မယ်”လို့ ကိုဝီက မှတ်ချက်ပေးထားပါတယ်။

ဒီလိုမျိုးကိစ္စတွေအပြင် အထက်က ဆိုခဲ့သလို အင်တာနက်ကို ရည်ရွယ်ချက်ရှိရှိ ဖြတ်တောက်ခဲ့တဲ့ ဖြစ်ရပ်တွေလည်း ရှိခဲ့ပါတယ်။ ရုန်းရင်းဆန်ခတ်မှုတွေ ဖြစ်ခဲ့အတွက် အီဂျစ်အစိုးရက အင်တာနက်လိုင်းတချို့ကို ဖြတ်တောက်ခဲ့သလို ဆီးရီးယားဆိုရင်လည်း တစ်နိုင်ငံလုံး အင်တာနက်ကို ဖြတ်တောက်ခဲ့တယ်။ ဒီလိုမျိုး ရည်ရွယ်ချက်က သူတို့ရဲ့နိုင်ငံကို တခြားနိုင်ငံတွေက စုံစမ်းထောက်လှမ်းမှု မပြုလုပ်နိုင်အောင် သတင်းအမှောင်ချထားချင်လို့ ဖြစ်တယ်လို့ ပါမောက္ခခရောင်းဖို့က ပြောကြားခဲ့ပါတယ်။

“အင်တာနက်က နိုင်ငံတွေရဲ့ တစ်နိုင်ငံအပေါ် တစ်နိုင်ငံ စုံစမ်းမှုတွေ၊ သူလျှိုလုပ်ငန်းတွေအတွက် အရေးကြီးတဲ့ အစိတ်အပိုင်းတစ်ရပ်မှာ ပါဝင်ပါတယ်၊ ဒါကြောင့် တချို့နိုင်ငံတွေက ဆိုးရွားတဲ့ ပဋိပက္ခမျိုးဖြစ်လာပြီဆို အခြားနိုင်ငံတွေက ၀င်ရောက်ဆက်သွယ်ဖို့ ခက်ခဲအောင် ရည်ရွယ်ချက်ရှိရှိ အင်တာနက်ကို ဖြတ်တောက်လိုက်ကြတယ်”လို့ ခရောင်းဖို့က ဆိုပါတယ်။

အင်တာနက်ပြတ်တောက်မှုက နိုင်ငံရေးနဲ့ လူမှုရေးအတွက် အကျိုးသက်ရောက်တဲ့အပြင် စီးပွားရေးနဲ့ ပညာရေးအတွက်လည်း များစွာ ထိခိုက်နစ်နာစေပါတယ်။ နိုင်ငံကြီးတွေရဲ့ စီးပွားရေးလုပ်ငန်းများအားလုံးက အင်တာနက်ပေါ်က လွယ်လွယ်ကူကူလုပ်ဆောင်နိုင်ဖို့ ပြုလုပ်ထားတဲ့အတွက် အင်တာနက်သာ ပြတ်တောက်သွားမယ်ဆိုရင် electronic banking လို၊ mobile banking ၊ mobile payment လို ငွေကြေးစနစ်တွေ ပြတ်တောက်သွားနိုင်ပါတယ်။ ဒါအပြင် အင်တာနက်ပေါ် အားကိုးပြီး လုပ်ကိုင်နေရတဲ့ ကြော်ငြာလုပ်ငန်းတွေ၊ ၀က်ဘ်ဆိုက်ကုမ္ပဏီတွေလည်း ဆုံးရှုံးမှုများစွာ ဖြစ်ပေါ်လာနိုင်တယ်လို့ ခရောင်းဖို့က ဆိုပါ တယ်။

၂၀၀၇ ခုနှစ်က ကုန်ထုတ်လုပ်မှုများ အားလုံးရဲ့ တင်သွင်းမှုများထဲမှာ e-commerce ရဲ့ ပါဝင်မှုနှုန်းက ၃၅ ရာခိုင်းနှုန်းရှိတယ်လို့ အမေရိကန်အချက်အလက် ကောက်ခံရေးဗျူရိုက ဆိုပါတယ်။ ၃၅ ရာခိုင်နှုန်းဆိုတာကို ငွေကြေးနဲ့ ပြန်လည်တွက်ရမယ်ဆိုရင်တော့ ၁ ဒသမ ၈ ထရီလီယံ ရှိနေပါတယ်။ ဒါကြောင့် အခုလို အချိန်မှာ အင်တာနက်သာ ပြတ်တောက်ခဲ့မယ်ဆိုရင် နိုင်ငံတစ်နိုင်ငံရဲ့ စီးပွားရေးအားလုံးက ချွတ်ခြုံကျသွားနိုင်ခြေရှိပါတယ်။

စီးပွားရေးအင်အားကြီးနိုင်ငံတွေမှာ အင်တာနက်ပြတ်တောက်မှုအတွက် စီးပွားရေးထိခိုက်မှု အကြီးအကျယ် ဖြစ်ပေါ်လာနိုင်ပြီး ဖွံ့ဖြိုးဆဲနိုင်ငံတွေမှာလည်း အကြီးအကျယ်မဟုတ်ရင်တောင် အင်အားကြီးနိုင်ငံတွေရဲ့ ရိုက်ခတ်မှုတွေရှိလာနိုင်တယ်လို့ Renesys ရဲ့ နည်းပညာအကြီးအကဲ ကိုဝီက ဆိုပါတယ်။

“နိုင်ငံငယ်လေးတွေမှာ သိပ်မထိခိုက်နိုင်ဘူးဆိုပေမယ့် စီးပွားရေးအင်အားကြီး နိုင်ငံတွေနဲ့ ချိတ်ဆက်ကုန်ကူးရမယ့် အခက်အခဲကတော့ ရှိနေဦးမှာပဲလေ”ဟု ကိုဝီက မှတ်ချက်ပြုထားပါတယ်။ ပညာရေးအပိုင်းကို ကြည့်မယ်ဆိုရင်လည်း အင်တာနက်ကတစ်ဆင့် သင်ယူနေရတာတွေ၊ အင်တာနက်ကတစ်ဆင့် သင်တန်း ပို့ချရတာတွေမှာ အခက်အခဲတွေ့လာနိုင်တယ်။ ဒါ့အပြင် အင်တာနက်ကို အားကိုးထားရတဲ့ အင်တာနက် အစီအစဉ်တွေကလည်း ချက်ချင်းလက်ငင်းဆိုသလို ရပ်တန့်သွားပါလိမ့်မယ်။

“ကျွန်တော်တို့ တက္ကသိုလ်မှာတင် အင်တာနက်ကတစ်ဆင့် သင်တန်းပို့ချရတာ၊ အင်တာနက်ကတစ်ဆင့် project တင်ရတာ၊ စာမေးပွဲဖြေရတာမျိုးတွေ ရှိတယ်၊ အင်တာနက်သာ ပြတ်တောက်သွားမယ်ဆိုရင်တော့ ဒီကိစ္စတွေက ဖြစ်လာနိုင်စရာအကြောင်းလည်း မရှိတော့ပါဘူး”ဟု ခရောင်းဖို့က ပြောကြားခဲ့ပါတယ်။

ဒါကြောင့် ၂၁ ရာစုနှောင်းပိုင်းလို အင်တာနက်ခေတ်ကြီးထဲ အင်တာနက်သာ မရှိတော့ဘူးဆိုရင် ကျွန်တော်တို့ နေတတ်ကြပါဦးမလား၊ အင်တာနက်စနစ်အပေါ် မှီခိုထားရတဲ့ စီးပွားရေး၊ လူမှုရေး၊ ပညာရေး၊ နိုင်ငံရေးစနစ်တွေကတော့ ဆက်လက်ရပ်တည်နိုင်ဦးမလား ဆိုတာကတော့ သံသယဖြစ်စရာပါ။ နိုင်ငံတွေရဲ့ အင်တာနက်အပေါ် မှီခိုတည်ဆောက်ထားတဲ့စနစ်တွေကကော ဆက်လက်ရပ်တည်နိုင်မလာဘူး ဆိုတာကတော့ မတွေးရဲစရာ အခြေအနေမှာသာ ရှိနေပါတော့တယ်။

Ref: How Stuff Works: What would happen if the Internet collapsed ကို ဘာသာပြန်ထားခြင်း ဖြစ်ပါသည်။

အိုင်တီကဖန်တီးပေးမည့် ကျားမတန်းတူ ခေတ်တစ်ခေတ်

ယခင်ကယောကျာ်းကငွေရှာပြီး မိန်းမကအိမ်ထောင်ထိန်းသိမ်းရသည့် ခေတ်တစ်ခေတ်ရှိခဲ့ပါသည်။ ယင်းကာလတွင် အင်တာနက်မရှိခဲ့သည်ကတော့ အသေအချာပင်ဖြစ်သည်။ အမျိုးသမီးများအတွက် အလုပ်ရှားပါးပြီး ရှိသောအလုပ်များကလည်း အကူ၊ သန့်ရှင်းရေး၊ ကလေးထိန်း၊ ချက်ပြုတ်သူ၊ လူနာစောင့်စသည့် အလုပ်များသာရှိခဲ့သည်။ ကျန်အလုပ်များက ကာယအင်အားကိုအသုံးချရသည့် အလုပ်ကြမ်းများ (သို့မဟုတ်) ယောကျာ်းဟိတ်ဟန်ပြပြီး လုပ်ရသည့် အလုပ်များဖြစ်ခဲ့သည်။

ပညာသငါယူရာတွင်လည်း အမျိုးသမီးများအတွက် အခွင့်အလမ်းနည်းပါးခဲ့သည်။ ယင်းခေတ်အခါက ရိုးရာထုံးစံလိုဖြစ်နေသည့် ဓလေ့များကို ယနေ့အချိန်အထိလက်ခံကျင့်သုံးနေသည်များ ရှိနေသေးသည်ကို တွေ့ရသည်။

အထူးသဖြင့် တိုးတက်မှု နည်းပါးသောနေရာဒေသများတွင် ယင်းကဲ့သို့ ရှေးရိုးဓလေ့ကို ဆက်လက် လက်ခံကျင့်သုံးနေကြသည်ဟု လူမှုရေးပညာရှင်များက ထောက်ပြသည်။ တိုးတက်သောနိုင်ငံတွင် အပြောင်းအလဲများစွာရှိလာသည်။ ယင်းသို့ပြောင်းလဲလာသည့် ဖြစ်စဉ်သည်လည်း အင်တာနက်ခေတ်မတိုင်မီက အတော်ကြာအောင်အချိန်ယူခဲ့သော်လည်း အိုင်တီခေတ်တွင်တော့ မြန်ဆန်လာသည်။

အဓိကအကြောင်းအရာတစ်ခုမှာ အိုင်တီကို ကျား၊ မ မရွေးသင်ယူလေ့လာနိုင်ပြီး အသုံးပြုနိုင်သောကြောင့် အခွင့်အရေးတန်းတူရရှိလာကြခြင်းပင်ဖြစ်သည်။ မည်သည့်ခေတ်နှင့်မျှမတူဘဲ ကျား၊ မ မရွေး မည်သူမဆို လုပ်ကိုင်နိုင်သည့် အလုပ်မျိုးကို အိုင်တီကဖန်တီးပေးသည်။ ယခင်က အလေးအပင်များ မသည့်အလုပ်မျိုး၊ ကိုယ်ကာယအင်အားသုံးမှသာ အလုပ်တွင်သည့်အလုပ်ရုံ၊ စက်ရုံမျိုးတွင်သာ အလုပ်များရှိခဲ့ရာက ကွန်ပျူတာတစ်လုံး၊ ဖုန်းတစ်လုံးဖြင့်သာ လုပ်ကိုင်နိုင်သည့်အလုပ်များ၊ ကာယစိုက်ထုတ်ရန်မလိုသော စက်မောင်းနှင်သည့်အလုပ်များ စသည်တို့ကနေရာဝင်ယူလာကြသည်။

အဆင့်မြင့်ပညာသင်ယူရေးတွင် ကျား၊ မ အရေအတွက်တန်းတူဖြစ်လာသလို ယခင်က ယောကျာ်းများသာလုပ်ကိုင်ခဲ့သည့် ကုန်ကားကြီးများမောင်းနှင်ခြင်း၊ အငှားကားမောင်းနှင်ခြင်းစသည့် စက်ပိုင်းဆိုင်ရာလုပ်ငန်းများတွင်လည်း ၀င်ရောက်လုပ်ကိုင်သော အမျိုးသမီးအရေအတွက်တိုးလာနေသည်။

သို့ရာတွင် ယင်းပြောင်းလဲမှုအများစုမှာ တိုးတက်သောနိုင်ငံများတွင်ဖြစ်သည်။ တိုးတက်သည်ဆိုရာတွင်လည်း စက်မှုပိုင်းတိုးတက်သည်သာမက လူတို့၏အသိအမြင်နှင့် လူမှုဝန်းကျင်၏ အတွေးအခေါ်အပါအ၀င် အထွေထွေတိုးတက်မှုကို ဆိုလိုသည်။

ချမ်းသာကြွယ်ဝပြီး စက်မှုနိုင်ငံပင်ဖြစ်ငြားသော်လည်း အထွေထွေတိုးတက်မှု နည်းပါးသည့်နိုင်ငံမျိုးတွင် တန်းတူလုပ်ကိုင်နိုင်ခွင့်မရနိုင်သေးပါ။ ရှေးရိုးစနစ်ကိုဆုပ်ကိုင်ထားဆဲနိုင်ငံများတွင် အမျိုးသမီးများကို တန်းတူအခွင့်အရေးမပေးခြင်းကြောင့် ယင်းနိုင်ငံ၏အထွေထွေတိုးတက်မှုမှာ ရပ်တန့်နေသည်။ သို့သော် ယင်းရှေးရိုးဓလေ့သည် ယခုအခါ အိုင်တီ၏စိန်ခေါ်မှုကို ရင်ဆိုင်ရတော့မည်ဖြစ်သည်။

ယနေ့အချိန်တွင် ကွန်ပျူတာ၊ ကား၊ ဖုန်းတို့ဖြင့်သာ လုပ်ကိုင်ရသည့်အလုပ်များ၊ ပညာကိုအခြေခံ၇သည့် အလုပ်အကိုင်များပေါများလာသဖြင့် ကျား၊ မ ခွဲခြားလုပ်ကိုင်ရသည့်အလုပ်လည်း နည်းပါးလာသည်။ စစ်သင်္ဘောများ၊ စက်ရုံကြီးများ၊ သုတေသနစခန်းများတွင်လည်း နည်းပညာကျွမ်းကျင်သူကိုသာခန့်ထားသဖြင့် အမျိုးသမီးများနေရာရစပြုနေပြီဖြစ်သည်။

နေသားမကျသေးသဖြင့် ကျား၊ မ တန်းတးလုပ်ကိုင်သည့်လုပ်ငန်းခွင်ကို လက်မခံလိုသူအမျိုးသမီးများ ရှိနေသေးသော်လည်း ခေတ်ပြောင်းလဲမှုရေစီးကို မပိတ်ဆို့ထားနိုင်ပေ။ လာမည့် ၂၀၁၆ ခုနှစ်တွင် အမျိုးသမီးလုပ်သားဦးရေသည် အလုပ်အားလုံး၏ ၄၆ ဒဿမ ၅ ရာခိုင်နှုန်းအထိ ရှိလာမည်ဟု အမေရိကန်အလုပ်သမား ၀န်ကြီးဌာနက ခန့်မှန်းတွက်ချက်ထားသည်။ အမြန်ဆုံးနှင့် အများဆုံးတိုးများလာသည့် အလုပ်အကိုင်စာရင်းတွင်လည်း ကွန်ပျူတာဆော့ဖ်ဝဲလ်ကျွမ်းကျင်သူများက ထိပ်ဆုံးမှပါဝင်နေပြီး ၀င်ငွေတွင်လည်း ယင်းအလုပ်က အများဆုံးဖြစ်မည်ဟုဆိုသည်။ ယင်းကဏ္ဍတွင် ကျား၊ မ ခွဲခြားမှုမရှိသဖြင့် ကျွမ်းကျင်သူအမျိုးသမီးများက တန်းတူနေရာရလာမည်ဖြစ်ရာ လာမည့်နှစ်များတွင် ထိပ်ပိုင်းအဆင့်နှင့် အလယ်အလတ်အဆင့်ရှိ အလုပ်အကိုင်များတွင် အမျိုးသမီးဦးရေပိုများလာဖွယ်ရှိသည်။

ခေတ်အဆက်ဆက်ဖိနှိပ်ခံလာရသော အမျိုးသမီးထုအတွက် အိုင်တီကတန်းတူအခွင့်အရေး ဖန်တီးပေးနေပြီဖြစ်သည်။

ခင်မေဇော် (၀ါရှင်တန်ဒီစီ)

Printed by 7 Day Daily

ကွန်ပျူတာနည်းပညာနှင့် အမျိုးသမီးများ

သာမာန်အားဖြင့် အမျိုးသားများကြီးစိုးထားသော ကွန်ပျူတာပရိုဂရမ်ရေးသည့် လုပ်ငန်းနယ်ပယ်သို့ နည်းပညာကျောင်းမှကျောင်းသူလေးများ စတင်ဝင်ရောက်လာနေပြီဖြစ်သည်။ သို့သော်လည်း မလုံလောက်သေးပါ။ အမေရိကန်နိုင်ငံကဲ့သို့ ယင်းနည်းပညာဖွံ့ဖြိုးမှုမြန်သည့် နေရာမျိုးတွင် ကျောင်းသူများ၏ တစ်ရာခိုင်နှုန်းကသာ ကွန်ပျူတာနည်းပညာကို သူတို့၏အနာဂတ်အလုပ်အကိုင်အဖြစ် ထည့်သွင်းစဉ်းစားကြသည်။ ရှေ့အလားအလာကောင်းလှသည့် ကွန်ပျူတာဆော့ဖ်ဝဲလ်ရေးသားသော လုပ်ငန်းများနှင့် ကွန်ပျူတာနည်းပညာတို့ဖြင့် လုပ်ကိုင်နိုင်သည့် အလုပ်အကိုင်များသည် လာမည့် ၂၀၂၀တွင် ၄ ဒဿမ ၂ သန်း ရှိလာမည်ဟု ပြည်ထောင်စုအလုပ်သမားရုံးကိန်းဂဏန်းများက ခန့်မှန်းတွက်ချက်ထားသည်။

အဘယ်ကြောင့် အမျိုးသမီးအရေအတွက်က ကွန်ပျူတာနည်းပညာလုပ်ငန်းခွင်တွင် နည်းပါးနေရပါသနည်း။ သုံးသပ်မှုအမျိုးမျိုးရှိနေပြီး အချို့ကလည်း အမျိုးသမီးများ၏ သဘာဝအရ စက်ပိုင်း၊ နည်းပညာပိုင်းကို စိတ်ဝင်စားမှုနည်းပါ၍ဖြစ်သည်ဟု ဆိုကြသည်။

လက်ရှိကွန်ပျူတာနည်းပညာအတန်းတွင် တက်ရောက်ကြသည့် အမျိုးသမီါ်ဦးရေက ၂၀ ရာခိုင်နှုန်းသာရှိနေသည်။ ဂူးဂဲလ်၏အစောပိုင်းကျသည့် ၀န်ထမ်းတစ်ဦးဖြစ်သူ Youtube ဥက္ကဋ္ဌ ဆူဇန်ဝေါသီကီက ဦးဆောင်မှုအပိုင်းတွင်လည်း အမျိုးသမီးများနည်းပါးနေသေးကြောင်း ပြောဆိုလိုက်သည်။

Yahoo ကလည်း ၎င်းတို့၏ ၀န်ထမ်း ၆၂ ရာခိုင်နှုန်းက အမျိုးသာများဖြစ်ကြောင်း ထုတ်ပြန်လိုက်သည်။ ဂူးဂဲလ်တွင် ၇၀ ရာခိုင်နှုန်းက အမျိုးသားဝန်ထမ်းများဖြစ်သည်။ ယင်းသို့ ကျား/မဦးရေမညီမျှမှုကို အေပီသတင်းဌာနက လေ့လာစစ်တမ်းကောက်ယူကြည့်ရာ အမျိုးသမီးများမှာ ကွန်ပျူတာနည်းပညာနှင့် ထိတွေ့မှုနည်းပါးမှုကြောင့်ဖြစ်ကြောင်း တွေ့ရှိခဲ့သည်။ ၎င်းတို့ကိုယ်တိုင် စိတ်ဝင်စားမှုနည်းပါးခြင်းကြောင့် မဟုတ်ဟုဆိုသည်။ မိဘများ၊ သူငယ်ချင်းများ၊ ဆရာများက အားပေးကူညီလိုက်လျှင် အိုင်တီ တီထွင်ဖန်တီးသူများတွင် အမျိုးသမီးဦးရေတိုးလာနိုင်သည်။

အမျိုးသမီးများ၏ အနာဂတ်အလုပ်အကိုင် အခွင့်အလမ်းအတွက် ကွန်ပျူတာနည်းပညာက ပံ့ပိုးဖန်တီးပေးမည်ဆိုသည့်အပေါ် ယုံကြည်ဖို့လိုအပ်ကြောင်း ကလင်တန်ဖောင်ဒေးရှင်းတွင် ပြုလုပ်သည့် ဆွေးနွေးပွဲတစ်ခု၌ သမ္မတဟောင်း ကလင်တန်၏သမီး ချယ်စီယာကလင်တန်က ဆွေးနွေးပြောဆိုလိုက်သည်။

အများအားဖြင့် ထိတွေ့မှုနည်း၍ ခက်ခဲမည်ဟုယူဆပြီး သင်ယူရန်နောက်တွန့်နေတတ်ကြသည်က ပြဿနာဖြစ်ကြောင်း၊ ကွန်ပျူတာနည်းပညာဖြင့် ပရိုဂရမ်များကို တီထွင်မှုများက အနာဂတ်ကိုဖန်တီးနိုင်သည် ဆိုသည်ကိုသိရှိလာလျှင် အိုင်တီနယ်ပယ်သို့ ၀င်ရောက်လာကြမည့် အမျိုးသမီးဦးရေ များလာနိုင်ကြောင်း အမျိုးသမီးနှင့် အိုင်တီဆိုင်ရာ အမျိုးသားသိပ္ပံ ဥက္ကဋ္ဌ လူစီစင်ဒါကပြောသည်။

Girls Who Code (ကုတ်ရေးသူ မိန်းကလေးများ) အမည်ရှိ ပရဟိတအဖွဲ့တစ်ဖွဲ့က အိုင်တီပရိုဂရမ်ရေးဆွဲရေး ကျောင်းများတွင် မိန်းကလေးများကို ပိုမိုဆွဲဆောင်နိုင်ရန် အစီအစဉ်ချမှတ်ဆောင်ရွက်နေသည်။

ဂူးဂဲလ်က ဒေါ်လာသန်း ၅၀ အကုန်အကျခံပြီး Girls Who Code နှင့် ပူးပေါင်းကာ မိန်းကလေးများအတွက် ဆော့ဖ်ဝဲလ်ပရိုဂရမ်သင်တန်းကျောင်းများ ဖွင့်လှစ်သင်ကြားရန် စီစဉ်ထားကြောင်းသိရသည်။

ကမ္ဘာ့လူဦးရေ၏ထက်ဝက်ဖြစ်သည့် အမျိုးသမီးများပါဝင်ခြင်းမရှိလျှင် နာဂတ်အိုင်တီဖွံ့ဖြိုးနှုန်း နှေးကွေးကျဆင်းနိုင်သည်ဟု နည်းပညာကျွမ်းကျင်သူများက ဆိုသည်။ မိန်းကလေးနှင့် နည်းပညာတို့မအပ်စပ်၊ မိန်းကလေးများက သိပ်မထူးချွန်၊ ယောကျာ်းလေးများနှင့် ယှဉ်ပြိုင်၍မရနိုင်စသဖြင့် အရိုးစွဲနေသည့် မှားယွင်းသည့်အယူအဆများကို ဖယ်ရှားနိုင်မည်ဆိုလျှင် အိုင်တီနယ်ပယ်မှဖန်တီးရှင်များအဖြစ် အမျိုးသမီးအများအပြားကို မြင်တွေ့ရတော့မည့်အချိန်သည် မဝေးတော့ပါ။

ခင်မေဇော် (၀ါရှင်တန်ဒီစီ)
Printed by 7 Day Daily

Thursday, July 24, 2014

လူကြီး၊ လူငယ်ကြား အမြင်ကွာခြားချက်နှင့် မြန်မာ e-Sports

လူငယ် ၁၀ ဦး ၎င်းတို့၏ ကွန်ပျူတာ မျက်နှာပြင်များပေါ်သို့ အာရုံစူးစိုက်နေကြသည်။ မျက်လုံးများ အငြိမ်မနေသလို လက်ချောင်းများသည်လည်း ကွန်ပျူတာ ကီးဘုတ်များပေါ်တွင် ပြေးလွားနေသည်။ အသွင်အပြင်များကား တိုက်ပွဲတစ်ခုတွင် ရန်သူအား အမြစ်ပြတ် ချေမှုန်းတော့မည့် စစ်သည်များသဏ္ဌာန်။ တည်နေရာကား စမ်းချောင်းရပ်ကွက် အတွင်းရှိ ကွန်ပျူတာ ဂိမ်းဆိုင်လေး တစ်ခုအတွင်းတွင် ဖြစ်သည်။ ဆိုင်အတွင်း မောက်စ်သံ တစ်ချက်ချက်၊ ကီးဘုတ်သံ တတောက်တောက်မှအပ တိတ်ဆိတ်နေသည်။ မကြာမီတွင် သူတို့၏ ငါးယောက်တစ်ဖက် စစ်ပွဲပြီးဆုံးသွားပုံရသည်။ အနိုင်ရသွားဟန်တူသော အဖွဲ့မှ အသက် ၁၈ နှစ်အရွယ် ကောင်လေးတစ်ယောက်က ရှုံးနိမ့်သွားသော အသင်းမှ လောင်းကြေးငွေ သုံးသောင်းကို ထယူလိုက်သည်။

“မင်းတို့ဆိုင်မှာမို့ပါကွာ... ကီးဘုတ်တွေ၊ မောက်စ်တွေ ငါတို့ မကိုင်တတ်ဘူး။ နောက်တစ်ခေါက် ငါတို့ဆိုင်မှာ ဆော့မယ်။ ဂိမ်းဖိုးရှင်းကြေး၊ သုံးသောင်းကြေးပေါ့” ဟုပြောကာ ရှုံးနိမ့်သွားသော လူငယ်များ ထွက်သွားသည်။

“ခုချိန်ထိ ဒီကောင်တွေ ကိုယ့် Skill ကို မသိသေးဘူး နောက်တစ်ခါ ထပ်ရိုက်ခံချင်လို့”

အနိုင်ရသောအသင်းမှ ခေါင်းဆောင်ဖြစ်ဟန်တူသော လူငယ်က ရယ်မောပြောဆိုသည်။ သို့သော် သူ၏ အပျော်များမှာ မကြာလိုက်။

“ဟဲ့ လင်းသိန်း၊ နင် ဒီ Game ကိုပဲ တစ်သက်လုံး ဆော့နေမှာလား။ နင့်ဘဝ တက်လမ်း ဘာရှိလို့လဲ။ နင့်အသက်က မငယ်တော့ဘူး။ ထမင်းလည်း ပြန်မစား၊ အိမ်ကိုလည်း လှည့်မကြည့်နဲ့ နင့်ဘဝ ဒီလိုနဲ့ ပြီးတော့မှာလား” သူ၏မိခင် ဖြစ်ဟန်တူသော အသက် ၃၀ ကျော်အရွယ် အမျိုးသမီးက သူတို့၏ အောင်ပွဲခံ အခမ်းအနားအတွင်းသို့ ဝင်လာသည်။

“အမေတို့လူကြီးတွေ သိပ်ခက်တယ်ဗျာ။ ဒါအပျော်တမ်းဂိမ်း မဟုတ်ဘူး ...။ အမေတို့ကို ရှင်းပြလည်း နားမလည်ပါဘူး” ဟုဆိုကာ ခေါင်းဆောင်ဖြစ်ဟန်တူသူ လူငယ်က စိတ်ပျက်သည့် ပုံစံဖြင့် မိခင်နောက်သို့ လိုက်ပါသွားသည်။

မြန်မာနိုင်ငံတွင် လွန်ခဲ့သော ငါးနှစ်ခန့်က စတင်ကာ Defense of the Ancients အများရင်းနှီးတဲ့ အသုံးအနှုန်း ဒိုတာ (Dota) ဂိမ်းကစားနည်းတစ်မျိုး လူငယ်များအကြား ရေပန်းစားလာခဲ့ပြီးနောက် နည်းပညာ ဗဟုသုတ အားနည်းသော မိဘများနှင့် အဆိုပါဂိမ်းကို ပရော်ဖက်ရှင်နယ် အဆင့်ထိ ကစားရန် ကြိုးပမ်းနေသော လူငယ်များအကြား ပြဿနာအချို့ ရှိလာသည်။

အဆိုပါ Dota ဂိမ်းကို ဥရောပနှင့် အိမ်နီးချင်းနိုင်ငံများတွင် အားကစားနည်း တစ်ခုကဲ့သို့ ဆော့ကစားနေကြပြီး အဆိုပါဂိမ်းတွင် လက်ရည်ကောင်းမွန်သူများကို နည်းပညာကုမ္ပဏီများက ပံ့ပိုးမှုပေးခြင်း၊ လူငယ်များကြား အောင်မြင်ကျော်ကြားသော အားကစားသမား တစ်ဦးကဲ့သို့ အလေးထား ဆက်ဆံခြင်းတို့ကို ကြည့်ကာ မြန်မာနိုင်ငံရှိ လူငယ်အများစု ထိုဂိမ်းကို ပညာရပ်တစ်ခုကဲ့သို့ အလေးထား ဆော့ကစားလာကြသည်။

“ပြည်တွင်း ပွဲတွေမှာတောင် နိုင်ရင် သိန်းဂဏန်းလောက်ကို ရတယ်။ နိုင်ငံတကာမှာဆိုရင် Gamer တွေကို နာမည်ကြီး ဘောလုံးသမားတွေလိုမျိုး ဆက်ဆံကြတာ။ ကျွန်တော်တို့က အဲ့လိုဖြစ်ချင်တာ” ဟု လှိုင်မြို့နယ်နေ အသက် ၁၈ နှစ်အရွယ် GTC ကျောင်းသား ဂိမ်းဝါသနာရှင်တစ်ဦးက ဆိုသည်။

မြန်မာနိုင်ငံရှိ မိဘများအနေနှင့်လည်း မိမိတို့၏ မျိုးဆက်များကို မိရိုးဖလာ စီးပွားရေးလုပ်ငန်းများကို လုပ်ကိုင်စေလိုပြီး ဘွဲ့မရခင်အထိ တက္ကသိုလ်ပညာရေးကို ကြိုးစားသင်ယူစေလိုသော အစဉ်အလာများနှင့် မြန်မာနိုင်ငံ အခြေအနေအရ မသေချာသော လမ်းကြောင်းတစ်ခုကို တိုးဝင်ခြင်းထက် အောင်မြင်ပြီးသူတို့၏ နောက်သို့ လိုက်ရန်သာ ညွှန်ကြားတတ်ကြသည်။

“သူတို့ပြောနေတဲ့ ဂိမ်းအားကစားကို ဦးတို့အနေနဲ့ အဆင်ပြေမယ် မထင်ဘူး။ ဦးတို့မိဘတွေက ဆယ်တန်းအမှတ်နဲ့ ကိုက်တဲ့ ဘွဲ့တစ်ခုကိုယူ၊ နောက်အလုပ်အကိုင် အခွင့်အလမ်းပေါတဲ့ လုပ်ငန်းခွင်ဝင်၊ အဲလောက်ပဲ ဖြစ်စေချင်တာ။ ဒါပေမဲ့ သူတို့က လမ်းသစ်တစ်ခုကို ဖောက်ဖို့အတွက် အားသန်နေကြတယ်။ နေ့ည ဂိမ်းဆိုင်မှာချည်းပဲ။ လတ်တလော အိမ်က သားကတော့ အချင်းချင်း ပိုက်ဆံကြေး ဆော့နေကြတာပဲ။ ပြိုင်ပွဲတွေ ဘာတွေ ဆော့တာတော့ မတွေ့ဖူးသေးဘူး” ဟု ဂိမ်းဝါသနာရှင် သားတစ်ဦး၏ ဖခင်ဖြစ်သူ ဦးအေးကိုက ပြောကြားသည်။

ဥရောပနိုင်ငံများနှင့် အာရှတိုက်အချို့ နိုင်ငံများတွင် e-Sports ပြိုင်ပွဲပေါင်း များစွာကို လစဉ် ကျင်းပနေပြီး ဆုကြေးများမှာလည်း မက်လောက်စရာပင် ဖြစ်သည်။ ဥပမာအားဖြင့် ဂျာမနီနိုင်ငံ ဖရန့်ဖတ်မြို့တွင် လာမည့် ဇူလိုင်လ ၂၈ ရက်၊ ၂၉ ရက်နေ့များတွင် ကျင်းပမည့် ESL One Dota 2 ပြိုင်ပွဲကို ဥရောပတိုက်မှ အင်အားကြီး ဂိမ်းကလပ် သုံးခု၊ အမေရိကတိုက်မှ တစ်သင်း၊ အာရှမှ တစ်သင်းနှင့် တရုတ်နိုင်ငံမှ အသင်းတစ်သင်းတို့အပြင် ဖိတ်ကြားခံ အသင်းနှစ်သင်းတို့ ယှဉ်ပြိုင်ကြမည် ဖြစ်ပြီး အနိုင်ရရှိသော အသင်းမှာ အမေရိကန်ဒေါ်လာ ရှစ်သောင်းကျော်ခန့် အနည်းဆုံး ရရှိမည် ဖြစ်သည့်အပြင် ကျန်အသင်းများလည်း အမေရိကန်ဒေါ်လာ လေးသောင်း၊ နှစ်သောင်း၊ တစ်သောင်းကျော် ဆုကြေးများကို ရရှိမည် ဖြစ်သည်။

နိုင်ငံတကာ e-Sports လောကကို မျှော်ကြည့်နေသော လူငယ်များအတွက် မျှော်လင့်ချက် များစွာ ရှိနိုင်သလို တစ်လလျှင် ပြိုင်ပွဲတစ်ပွဲမျှ မကျင်းပသော မြန်မာ e-Sports လောကကို မှီခိုမည့် လူငယ်များအတွက် မိဘများ ရင်လေးကျသည်မှာလည်း မိဘများအလွန် မဟုတ်ချေ။ မြန်မာနိုင်ငံတွင် အာရှအဆင့်အထိ အောင်မြင်သော G-Seven ကဲ့သို့ အသင်းကြီးများ ရှိသော်လည်း လက်ချိုးရေတွက်လျှင် ဆယ်ချောင်းပြည့်မည် မဟုတ်ပေ။

“ကျွန်တော်တို့ စဆော့တုန်းက ပြည်တွင်းပွဲလေးတွေပဲ ဆော့ရတာ။ နောက်မှ Online ကနေ SEA ပွဲလေးတွေ ဆော့တယ်။ အဲဒီကမှတစ်ဆင့် ဖိတ်တဲ့ပြိုင်ပွဲတွေကို ဆော့တယ်။ နိုင်ငံခြားမှာ ဆော့ဖို့ဆိုတာက စပွန်ဆာ လိုတယ်။ ပြည်တွင်းမှာ e-Sports နဲ့ ပတ်သက်ပြီး လှုပ်ရှားတဲ့ အဖွဲ့အစည်း နည်းသေးတယ်။ နောက်ပြိုင်ပွဲတွေ အရမ်းနည်းပါတယ်” ဟု G-Seven အသင်းခေါင်းဆောင် Kenji က ဆိုသည်။

ယခင်က ဘောလုံးအားကစားသမားများကို ဝင်ငွေပုံမှန် ရရှိနေသော အခြားသူများကဲ့သို့ လေးစားခဲ့ခြင်း မရှိခဲ့ဘဲ မြန်မာနိုင်ငံ ဘောလုံးလောကကို ပရော်ဖက်ရှင်နယ် အဆင့်သို့ ၂၀၀၉ ခုနှစ်မှ စတင်ကာ တိုးမြှင့်ခဲ့ပြီးနောက်တွင်မူ ပုံမှန်ဝင်ငွေ ရှိလာခဲ့ခြင်း၊ ပြိုင်ပွဲများ ဆက်တိုက်ဆိုသလို ရှိနေခြင်းကြောင့် မိဘများအနေနှင့် မိမိတို့၏ သားသမီးများ ဘောလုံးအားကစားနည်းကို အသက်မွေးဝမ်းကျောင်း ပညာရပ်တစ်ခုအဖြစ် လေ့လာနေခြင်းကို လက်ခံလာကြသည်။ “e-Sports က အားကစားပါပဲ။ ဘောလုံးကောင်းကောင်း ကစားနိုင်ရင် လစာကောင်းကောင်း ရနိုင်သလို ဂိမ်းကောင်းကောင်း ဆော့နိုင်ရင်လည်း လခ ကောင်းကောင်း ရနိုင်ပါတယ်။ ဒါပေမဲ့ e-Sports မဖွံ့ဖြိုးသေးတဲ့ နိုင်ငံတွေ အတွက်တော့ ဂိမ်းကို တစ်သမတ်တည်း လိုက်ဖို့ဆိုတာက တော်တော်ခက်ခဲမယ်။ မိဘတွေ နားလည်လာဖို့အတွက် ကျွန်တော်တို့ ကြိုးစားမှာပါ။ အားကစားပွဲတိုင်းမှာတော့ ထောက်ပံ့တဲ့ စပွန်ဆာလိုတယ် သူတို့ကလည်း e-Sports ဖွံ့ဖြိုးရေးအတွက် အရေးကြီးတဲ့အပိုင်းမှာ ပါပါတယ်” ဟု Kenji က ဆိုသည်။

e-Sports ဖွံ့ဖြိုးပြီးဖြစ်သော နိုင်ငံများတွင် ပညာရှင်များက e-Sports ၏ လူငယ်များအပေါ် လွှမ်းမိုးမှုကို လေ့လာမှုများ ပြုခဲ့ကြပြီး ဘေးထွက်ဆိုးကျိုးများကို စာတမ်းပြုစုခဲ့ကြသည်။ ဂိမ်းကစားချင်းကို စွဲမက်သွားသော လူငယ်များအနေနှင့် လူမူရေးဆက်ဆံမှုဆိုင်ရာ ကိစ္စရပ်များတွင် များစွာ ကျဆင်းသွားခြင်း၊ မိမိနေထိုင်ရာ ပတ်ဝန်းကျင်နှင့် အံမဝင်ခြင်းများအပြင် ကျောင်းစာများကို စိတ်ပါဝင်စားမှု အားနည်းလာခြင်း၊ စိတ်ဖိစီးမှု များပြားခြင်းများ ဖြစ်ပွားတတ်ပြီး ကောင်းကျိုးများ အနေနှင့် အရက်သေစာ၊ မူးယစ်ဆေးများ၊ မိန်းမကိစ္စ အရှုပ်အရှင်းများကို စိတ်ပါဝင်စားခြင်း မရှိတတ်ကြောင်း စာတမ်းတွင် ဖော်ပြထားသည်။

“အိမ်ကသား ဂိမ်းဆော့လို့ စာမေးပွဲကျတာ ၂ နှစ် ဖြစ်သွားပြီ။ သူတို့ နေ့ရော ညပါ ဂိမ်းဆော့နေတတ်ကြတယ်။ ကောင်းတာတစ်ခုဆိုလို့ ခိုက်ရန်ဖြစ်ပွားတာ၊ အရက်သောက်တာ၊ မူးယစ်ဆေးသုံးတာ၊ နောက်ဆုံး ရည်းစားကအစ သူမထားဘူး။ အဲဒီဂိမ်းကိုပဲ စွဲလမ်းနေတယ် ထင်ရတယ်” ဟု GTC ပထမနှစ် ကျောင်းသားတစ်ဦး၏ မိခင်ဖြစ်သူ ဒေါ်ရည်မွန်သန့်က ဆိုသည်။

၂၀၁၄ ခုနှစ် ဇူလိုင်လ ၁၈ ရက်နေ့မှ ၂၁ ရက်နေ့အထိ အမေရိကန်ပြည်ထောင်စု၊ ဝါရှင်တန်ဒီစီတွင် Dota 2 Championship The International 2014 ကျင်းပမည်ဖြစ်ပြီး ဆုကြေးအဖြစ် အမေရိကန်ဒေါ်လာ ၂ သန်းကျော်ကို ချီးမြှင့်မည် ဖြစ်ကာ အဆိုပါပြိုင်ပွဲ တိုက်ရိုက်ကြည့်ရှုခွင့် လက်မှတ်ကို အမေရိကန်ဒေါ်လာ ၉၉၊ ၁၉၉ နှင့် ၄၉၉ ဒေါ်လာအထိ သတ်မှတ်ထားပြီး ထိုင်ခုံအလုံး တစ်သောင်းစာ လက်မှတ် အားလုံး ၁ နာရီအတွင်း ရောင်းကုန်သွားကြောင်း သိရှိရသည်။

အသက်မွေးဝမ်းကျောင်း အားကစားတစ်ခုအဖြစ် ရပ်တည်နိုင်သော e-Sports အပေါ် လုံးဝလက်မခံနိုင်သော လူကြီးများနှင့် အခွင့်အလမ်း နည်းပါးနေသေးသော e-Sports လမ်းကြောင်းကို ပညာရေး အထိခိုက်ခံကာ တစ်ဖက်တည်း မျက်စိမှိတ် တိုးဝင်နေသော လူငယ်အချို့ကြား ညှိနှိုင်းပြင်ဆင်ရန် လိုအပ်ချက်များ ရှိနေသည်။

အောင်သော်ဖြိုး

Goodnight IT

ယခင်ကကျန်းမာရေးအတွက် သတိပေးချက်များတွင် အိပ်ရာမ၀င်ခင် ရုပ်မြင်သံကြားမကြည့်ရန်၊ အထူးသဖြင့် ပစ်ခတ်ခန်းများပါသည့် ချောက်ချားဖွယ်ဇာတ်လမ်းများမကြည့်ရန် အကြံပြုထားသည်။ တီဗွီဖန်သားပြင်မှထွက်သည့် လှိုင်းများနှင့် ဦးနှောက်ကိုလှုံ့ဆော်သဖြင့် အိပ်စက်အနားယူရာတွင် အနှောင့်အယှက်ဖြစ်သည်ဟုဆိုသည်။

သေးငယ်လှသော စမတ်ဖုန်း၊ အီလက်ထရွန်နစ်စာအုပ် (E-book)၊ ဂိမ်း၊ လက်ပ်တော့၊ ကွန်ပျူတာတို့ကို အိပ်ရာထဲသို့ယူဆောင်လာချိန်ကစပြီး လူအများ၏အိပ်စက်နားနေမှုများ ထိခိုက်လာသည်။ ဆက်သွယ်မှုနည်းပညာများက အွန်လိုင်းမှဖျော်ဖြေမှုအမျိုးမျိုး၊ သတင်းအမျိုးမျိုးကို အဆက်မပြတ်တင်ပေးနေသဖြင့် လူအများမှာ အချိန်ကိုသတိမမူမိတော့ဘဲ အွန်လိုင်းတွင်သာ တမေ့တမောဖြစ်နေချိန် ပိုများလာနေသည်။

အမေရိကန်နိုင်ငံရှိ လူအများအိပ်စက်နားနေမှုကို National Sleep Foundation က လေ့လာစစ်တမ်းကောက်ယူရာတွင် အမေရိကန် ၉၅ ရာခိုင်နှုန်းက မအိပ်ခင်တစ်နာရီတွင် လျှပ်စစ်ပစ္စည်းတစ်မျိုးမျိုးကို အသုံးပြုနေကြကြောင်း တွေ့ရသည်။ အရွယ်ရောက်သူ ၈၉ ရာခိုင်နှုန်းနှင့် ကလေး ၇၅ ရာခိုင်နှုန်းင လျှပ်စစ်သုံးပစ္စည်းအနည်းဆုံးတစ်ခုကို အိပ်ခန်းထဲတွင်ထားရှိသည်ဟု ဆိုသည်။

ယင်းစက်ပစ္စည်းများ အနားတွင်ရှိနေခြင်းက လူတို့၏အိပ်စက်ခြင်းကို အမျိုးမျိုး အနှောင့်အယှက်ဖြစ်စေသည်ဟုဆိုသည်။ အကြီးဆုံးပြဿနာမှာ ယင်းစက်ပစ္စည်းများကို ညဘက်တွင် မပိတ်ဘဲထားခြင်းဖြစ်ပြီး စက်ပစ္စည်းမှအလင်းရောင်နှင့် အသံတို့က အိပ်စက်ခြင်းကို အနှောင့်အယှက်ဖြစ်စေသည့်အပြင် ခန္ဓာကိုယ်တွင်းဟော်မုန်းများကို ပြောင်းလဲစေသည်။ စက်ပစ္စည်းမှထွက်နေသည့် အလင်းရောင်ဖျဖျကြောင့် လူ့ခန္ဓာကိုနေ့အချိန်ဟုယူဆစေပြီး မယ်လ်လတိုနင် (Melatonin)ခေါ် ဟော်မုန်းထုတ်လုပ်မှုကို ရပ်တန့်လိုက်သည်။ ယင်းဟော်မုန်းက နှစ်နှစ်ခြိုက်ခြိုက်အိပ်စက်နိုင်ရန် ထိန်းပေးသည့်ဓာတ်ဖြစ်သည်။

သတင်းများနှင့် ဂိမ်းများကလည်း စိတ်ကိုလှုပ်ရှားစေသဖြင့် အကြောဖြေလျှော့ပြီး အပ်ပျော်သွားရန် ခက်ခဲစေသည်။ ကွန်ပျူတာနှင့် မိုဘိုင်းဖုန်းကို အိပ်ရာမ၀င်မီအသုံးပြုသူများတွင် အိပ်မပျော်သောရောဂါ ဖြစ်ပေါ်စေကြောင်း လေ့လာသုံးသပ်ချက်ကို ၂၀၁၃ခုနှစ်က ထုတ်ပြန်သည့် အိပ်စက်ခြင်းအမူအကျင့်ဆိုင်ရာ ဆေးပညာစာစောင်တွင်ဖော်ပြထားသည်။

အကယ်၍ မိုဘိုင်းဖုန်းကိုဖွင့်ထားလျှင် အနီးဆုံးတွင်ရှိသည့် ဆက်သွယ်ရေးတာဝါ (Cell Tower)နှင့် အမြဲချိတ်ဆက်နေပြီး အဆင့်နိမ့်သော ရေဒီယိုသတ္တိကြွလှိုင်းကို ထုတ်လွှတ်နေသည်။ ယင်းလှိုင်း၏ လူ့ကျန်းမာရေးအပေါ် ရိုက်ခတ်မှုကို အသေအချာမသိရသေးသော်လည်း အိပ်ချိန်မတိုင်မီ သုံးနာရီကြာသည်အထိ ယင်းလှိုင်းနှင့်ထိတွေ့သူများသည် အခြားသူများထက် အိပ်ပျော်ရန်ခက်ခဲပြီး နှစ်နှစ်ခြိုက်ခြိုက်ဆက်တိုက်အိပ်စက်ရန် ခက်ခဲကြောင်းလေ့လာမှုတစ်ခုကဆိုသည်။ နှိုးစက်အသုံးပြုရာတွင်လည်း ရိုးရိုးနှိုးစက်ကိုသာသုံးသင့်ပြီး မိုဘိုင်းဖုန်းနှိုးစက်ကို ရှောင်သင့်သည်ဟုဆိုသည်။

စက်များအားလုံးသည် ဘက်ထရီအားဖြည့်ရန်လိုအပ်သလို မိမိကိုယ်တိုင်လည်း နောက်တစ်နေ့အတွက် အားဖြည့်နိုင်ရေး နှစ်နှစ်ခြိုက်ခြိုက်အိပ်ချိန်လိုအပ်သဖြင့် အိပ်ရာမ၀င်မီချစ်လှစွာသော ခေတ်မီနည်းပညာဖျော်ဖြေရေးကိရိယာများကို Goodnight လုပ်ပြီး မိမိအိပ်ခန်းအပြင်ကို ထုတ်ပစ်လိုက်ပါဟု ကျန်းမာရေးပညာရှင်များက အကြံပြုထားပါသည်။

ခင်မေဇော် (၀ါရှင်တန်ဒီစီ)

Printed by 7 Day Daily

ဓားတစ်စင်းကို ဘယ်လိုသုံးမလဲ

လူ့အသုံးအဆောင်ဖြစ်သည့်ဓားကို လူတို့စတင်တီထွင်လာချိန်တွင် အခြားသတ္တ၀ါများထက် လုပ်ငန်းတွင်ကျယ်လာသည်။ အပင်ကိုခုတ်၍ရသလို သားကောင်ကိုလိုက်၍ရသည်။ ချက်ပြုတ်ရာတွင် လှီးဖြတ်၍ရသည်။ အခြားအသုံးအဆောင်များကို ယင်းဓားကိုအသုံးပြုပြီး တီထွင်ဖန်တီးလာနိုင်သည်။ အသုံးဝင်မှုများက အလျှံပယ်ပင်။ အသုံးအဆောင်များတီထွင်ဖန်တီးနိုင်ခြင်းက လူကိုကျန်သတ္တ၀ါများမှ လမ်းခွဲလိုက်ခြင်းလည်းဖြစ်သည်။

ယခုလို အင်တာနက်ပေါ်လာချိန်၊ လူမှုကွန်ရက်များပေါ်လာချိန်တွင် ယင်းတို့ကိုအကြောင်းပြုပြီး ဖြစ်ပေါ်လာသည့်အကျိုးများစွာရှိသည်။

လူတစ်ဦးချင်းစီ၏ကမ္ဘာက ပို၍ကျယ်ပြန့်လာသည်။ အချိန်တို့ပို၍ အသုံးကျလာသည်။ အချိန်တိုအတွင်း အလုပ်များစွာလုပ်လာနိုင်သည်။ သတင်းအချက်အလက်များကို အင်တာနက်တွင် ရှာဖွေသိရှိ အသုံးချလာနိုင်သည်။ ဓားတစ်ချောင်းကို အသုံးပြုတတ်သူက ကျန်အသုံးအဆောင်ပစ္စည်းများကို ဖန်တီးအသုံးပြုလာနိုင်သည်။ အင်တာနက်သည် ဓားတစ်စင်းပင်ဖြစ်သည်။ ဖေ့စ်ဘွတ်သည် အငါတာနက်မည်သော ဓားတစ်စင်းကို အသုံးပြုပြီး တီထွင်ဖန်တီးထားသော ပန်းကန်တစ်ချပ်၊ ဇွန်းတစ်ချောင်း၊ တံမြက်စည်းတစ်ချောင်း၊ အိမ်တစ်လုံး၊ လှေတစ်စီး၊ လှည်းတစ်စီး၊ အော်လံတစ်ခုတို့နှင့်တူသည့် ကွန်ရက်တစ်ခုသာဖြစ်သည်။

လူမှုကွန်ရက်ကြောင့် ဆူပူမှုများဖြစ်ပေါ်သည်။ ဖေ့စ်ဘွတ်ကိုအသုံးချ၍ မုန်းတီးရေးလှုံ့ဆော်သည်ဟူသော သတင်းများကို နိုင်ငံတကာမီဒီယာများတွင်တွေ့ရသည်။ မြန်မာနှင့်ပတ်သက်၍လည်း မကြာသေးမီက ဖြစ်ပွားခဲ့သည့် မန္တလေးအကြမ်းဖက်မှုနောက်ပိုင်း ယခုလိုရေးသားမှုများ ထွက်ပေါ်လာခြင်းဖြစ်သည်။

သို့သော် ယင်းဖြစ်ရပ်သည် လူမှုကွန်ရက်ကြောင့်မဟုတ်သကဲ့သို့ ကျယ်ပြန့်လာသော ဆက်သွယ်ရေးနည်းပညာကြောင့်လည်း မဟုတ်ပါ။ ထိုနည်းတူ မကြာသေးမီကမှရရှလာသည့် လွတ်လပ်မှုတစ်ခုကြောင့်လည်းမဟုတ်ပါ။ အသုံးချသူများကြောင့်သာဖြစ်ပါသည်။

လူအများလျှောက်ရန်ခင်းထားသည့်လမ်းပေါ်တွင် လူများလျှောက်ကြမည်သာဖြစ်ပါသည်။ ယင်းလမ်းပေါ်တက်လာသူများထဲမှ တစ်ဦးစ၊ နှစ်ဦးစ မူးရူးရမ်းကားပြီး တခြားသွားလာသူများကို စော်ကားနှောင့်ယှက်ခြင်းက လမ်းကြောင့်မဟုတ်ပါ။ မဆင်မခြင်မောင်းနှင်မှုကြောင့်ဖြစ်သော ယာဉ်တိုက်မှုများသည်လည်း ယာဉ်ကြောင့်မဟုတ်ပါ။ အဆိုပါယာဉ်ကို စည်းကမ်းမဲ့စွာမောင်းနှင်သူကြောင့်သာ ဖြစ်ပါသည်။

လူအများအေးချမ်းစွာသွားလာနေသော လမ်းမကြီးပေါ်တွင် မူးရူးအော်ဟစ်နေလျှင် ငြိမ်းချမ်းစွာသွားလာနေသူ ရာပေါင်းများစွာအစား ယင်းဖောက်ပြန်သူတစ်ဦးကိုသာ အာရုံပြုသတိထားမိလေ့ရှိသည်ကလည်း ဓမ္မတာပင်ဖြစ်သည်။ သို့သော် အသေအချာပြန်ကြည့်လျှင် ကျန်လူအုပ်ကြီးက မူမပျက်ခဲ့ပါ။

ယင်းလူမှုကွန်ရက်များကို မငြိမ်မသက်ဖြစ်အောင်နည်းပါးလှသော လူတစ်စုတစ်ဖွဲ့က လုပ်ဆောင်အသုံးချနေနိုင်သည်။ လမ်းပေါ်အော်ဟစ်ဆဲဆိုသူများသည် လူနည်းစုသာဖြစ်ကြောင်း တွေ့ရပေမည်။

ဖေ့စ်ဘွတ်မုန်းတီးရေးလှုံ့ဆော်မှုကို လေ့လာနေသူမိတ်ဆွေတစ်ဦးက ယင်းသို့ မငြိမ်မသက်ဖြစ်အောင် ၀င်ရောက်ရေးသားလှုံ့ဆော်သူများ၏အကောင့်ကို စာရင်းကောက်ပြုစုနေရာ ယင်းအမည်များက သိပ်မများလှဘဲ လူမှုကွန်ရက်သတင်းများတွင် တစ်ဦးနှင့်တစ်ဦး အတိုင်အဖောက်လုပ်ပြီး ကွန်မန့်များအောင် ၀င်ရောက်ရေးနေသည်ကို တွေ့ရကြောင်းနှင့် ထိုအကောင့်ပိုင်ရှင်များအားလုံး မိမိပုံကိုမသုံးဘဲ အကောင့်အတုများဖွင့်လှစ်ထားခြင်း၊ ၎င်းတို့အချင်းချင်းချိန်ဆက်ပြီး like လုပ်ထားခြင်းသာရှိကြောင်း ပြောဆိုသည်။ တစ်ဦးတည်း (သို့မဟုတ်) လူတစ်စုက အကောင့်တုများစွာဖြင့် နေရာတကာဝင်ရောက်ပြီး ကြမ်းတမ်းစွာဆဲရေးခြင်း၊ ဘာသာရေး၊ လူမျိုးရေးမုန်းတီးမှုမှတ်ချက်များပေးခြင်းတို့ကို လုပ်နေခြင်းဖြစ်နိုင်သည်ဟုဆိုသည်။

ဘာသာရေး၊ လူမျိုးရေးအစွန်းရောက်သူအချို့ကို ယင်းလုပ်ရပ်တို့နှင့်ဆွဲဆောင်ပြီး လူအုပ်စုကြီးသယောင် ယင်းလုပ်ရပ်တို့နှင့်ဆွဲဆောင်ပြီး လူအုပ်စုကြီးသယောင်လုပ်သည်ဟု အဆိုပါလေ့လာသူကပြောဆိုသည်။

ယင်းလုပ်ရပ်မျိုးကို နိုင်ငံတကာက အကြမ်းဖက်သူများ အစဉ်အဆက်အသုံးပြုခဲ့ကြသည်။ ဗဟုသုတနှင့် ဉာဏ်အမြော်အမြင်နည်းပါးသူတို့ကို အခွင့်အရေးအချို့ဖြင့်စည်းရုံပြီး ဆူပူမှုများ၊ အကြမ်းဖက်မှုများ လုပ်ခဲ့သည့်သာဓကများစွာ ရှိနေဆဲဖြစ်သည်။ ဒုတိယကမ္ဘာစစ်ကိုမီးမွှေးခဲ့သူ နာဇီခေါင်းဆောင် ဟစ်တလာနှင့်အတူ အီတလီနှင့် ဂျပန်တို့မှ စစ်ခေါင်းဆောင်များက ၎င်းတို့၏ကြောက်ခမန်းလိလိ ကျူးလွန်ခဲ့သော စစ်ရာဇ၀တ်မှုများကို ယင်းနည်းများနှင့်ပင် ကျူးလွန်ခဲ့သည်။ သာမန်အချိန်တွင် မတွေးဝံ့စရာဖြစ်သော လူသားအချင်းချင်းအကြောင်းမဲ့ ညှဉ်းဆဲသတ်ဖြတ်မှုများကို သာမန်လူများကျူးလွန်ခဲ့ကြသည်။ လူများသန်းနှင့်ချီပြီး သေဆုံးခဲ့ကြရသည်။ လူအချင်းချင်းမုန်းတီးရေးကို လှုံ့ဆော်အားပေးသည့်နည်းဖြင့် စတင်ခဲ့သည့်စစ်ပွဲများသည် ဆင်ခြင်တုံတရားကင်းမဲ့အောင် စည်းရုံးသိမ်းသွင်းနိုင်မှသာဖြစ်ပေါ်နိုင်သည်။

အင်တာနက်ခေတ်ရောက်လာချိန်တွင် လူမှုကွန်ရက်များကိုအသုံးချပြီး အာရပ်နိုင်ငံများတွင် တန်ပြန်မှုများစွာတွေ့လာရသည်။ မနေ့တစ်နေ့ကမှ မြန်မာတို့စတင်သုံးစွဲလာသည့် လူမှုကွန်ရက်သည် အင်တာနက်အသုံးပြုမှု၏တစ်စိတ်တစ်ပိုင်းမျှသာဖြစ်သည်။ သတင်းငတ်နေခဲ့ကြသူများ၊ ကမ္ဘာနှင့်အဆက်အသွယ်ပြတ်တောက်နေသူများအတွက် ပွင့်လာသောတံခါးတစ်ချပ်ဖြစ်သည်။

လွတ်လပ်စွာပြောဆိုရေးသားမှုကို စတင်စမ်းသပ်ကျင့်သုံးနေသည့် နေရာတစ်ခုလည်းဖြစ်သည်။ ကောင်းသောဆွေးနွေးဖလှယ်မှုများစွာကို ယင်းလူမှုကွန်ရက်များတွင် တွေ့နေရသည်။ ကောင်းမွန်သောလှုံ့ဆော်မှုများ၊ လူမှုရေးလှုပ်ရှားမှုများ၊ ကူညီမှုများစွာကို ယင်းလူမှုကွန်ရက်ကတစ်ဆင့် ချိတ်ဆက်လုပ်ဆောင်နေကြသည်ကို တွေ့ရသည်။ အားရကျေနပ်ဖွယ်ကောင်းလှပေသည်။

အသိပညာဗဟုသုတရှာဖွေသူများ၊ ပေးသူများက တစ်ခွန်း၊ တစ်ကြောင်း၊ တစ်ပုဒ်ပေးဝေယူနေကြသည်။ မင်္ဂလာတရားတစ်ခုပင်ဖြစ်သည်။ သို့သော် ဆိုခဲ့သလိ်ုပင် လမ်းပေါ်ထွက်၍ ဆဲရေးသူများ၊ လမ်းသွားလမ်းလာများကို နှောင့်ယှက်ရမ်းကားသူများကလည်း ၀င်ရောက်အသုံးချနေပါသည်။

ဆင်ခြင်စရာပင်ဖြစ်သည်။ အင်တာနက်အသုံးပြုပြီး ကောင်းကျိုးရှာသူများ၊ အင်တာနက်ကိုအသုံးချ၍ ကိုယ်ကျိုးရှာသူများ ရှိနေခြင်းကို အသုံးပြုသူများက ခွဲခြားသိနေပါသည်။ မသဲမကွဲဖြစ်နေသူများကလည်း ဆင်ဆင်ခြင်ခြင်လေ့လာလျှင် သဲသဲကွဲကွဲသိမြင်လာနိုင်ပါသည်။

အင်တာနက်က အမုန်းစကားမဆိုပါ။ အင်တာနက်က ပြဿနာများကို မဖန်တီးပါ။ ဓားတစ်စင်းကို အသုံးပြုသူများ၏ စေတနာအပေါ်မှာသာမူတည်နေပါသည်။

ခင်မေဇော် (၀ါရှင်တန်ဒီစီ)

7 Day Daily (24-7-2014)