အမျိုးသား ယဉ်ကျေးမှု အမွေအနှစ် သတင်းအချက် အလက်တွေ ထိန်းသိမ်းဖို့ လိုပြီ

လူသားတွေဟာ ခေတ်ကာလ အဆက်ဆက် သူတို့ရဲ့ အကြောင်းအရာ တွေကို မှတ်တမ်းတင်ဖို့ ကြိုးစားခဲ့ကြတာ အက္ခရာတွေ မပေါ်ခင် စာတွေ မရေးခင် သမိုင်း မတင်မီခေတ် ကတည်းက ဖြစ်ပါ တယ်။ ဂူတွေ၊ ကျောက်တောင် နံရံတွေမှာ သူတို့ ရဲ့လူနေမှု ဘဝပုံစံ တွေကို ရေးဆွဲခဲ့ ကြပါတယ်။ နောက်ပိုင်း ပေထက် အက္ခရာ ၊ ကျောက်ထက် အက္ခရာ စသဖြင့် ပေရွက် ပေါ်မှာ၊ ကျောက်ပြားပေါ်မှာ ရေးထိုး မှတ်တမ်းတင်ခဲ့ပါတယ်။

ပုံနှိပ်စက်တွေ၊ စက္ကူတွေ တီထွင် နိုင်လာတော့ ပုံနှိပ် မီဒီယာတွေ အဖြစ် မှတ်တမ်း တင်ထုတ် ဝေ ဖြန့်ချိ လာခဲ့ကြ ပါတယ်။ တခြား တဖက်မှာတော့ ဒေတာတွေ ဆိုတာ ထုတ်ဝေတဲ့ စာအုပ်စာတမ်းတွေ သာမက ရုပ်သေ (ဓာတ်ပုံ)၊ ရုပ်ရှင် (လှုပ်ရှား သက် ဝင်မှုတွေ) မှတ်တမ်းတင်ပေးတာ၊ အသံတွေ ဖမ်းယူဖို့ လုပ်ဆောင်လာ ခဲ့ကြပါတယ်။ အဲဒီလို မှတ်တမ်းတင်ဖို့၊ သိမ်း ဆည်းဖို့ လုပ်ဆောင်ခဲ့ကြတဲ့ ပစ္စည်းတွေ ကလည်း ခေတ်အလိုက်၊ အချိန်ကာလ အလိုက် အမျိုးမျိုး သုံးစွဲခဲ့ ကြပါတယ်။

ဓာတ်ပုံတပုံဟာ စကားလုံးထောင်ပေါင်း များစွာနဲ့ ညီမျှတယ် ဆိုတဲ့ စကားလည်း ရှိပါတယ်။ လူမျိုးတမျိုး၊ နိုင်ငံ တနိုင်ငံအတွက် သမိုင်းကြောင်းတလျှောက် မှတ်တမ်းမှတ်ရာ စာအုပ်စာတမ်းတွေ၊ ဓာတ်ပုံတွေ၊ ပန်းချီတွေ၊ ရုပ်ရှင်တွေ စသဖြင့် ပုံစံအမျိုးမျိုးနဲ့ ရှိနေတဲ့ ဒေတာတွေ၊ မီဒီယာပုံစံ အမျိုးမျိုးနဲ့ ရှိ နေတဲ့ ဒေတာတွေဟာ ဘယ်လိုမှ အစားထိုးလို့ မရတဲ့ တန်ဖိုးကြီး ရတနာတွေ ဖြစ်ပါတယ်။

အဲဒီဒေတာတွေကို ဒစ်ဂျစ်တယ်ပုံစံ ပြောင်းသိမ်းတယ် ဆိုတာ လွယ်ကူတဲ့ အလုပ် မဟုတ်ပေမယ့် အရေး အကြီးဆုံး၊ ဦးစားပေး အဆင့် ၁ လုပ်ဆောင်ရမယ့် ကိစ္စဖြစ်နေပါတယ်။ အဲဒီအတွက် အရေးကြီး ဒေတာတွေကို ဘယ်လိုပုံစံနဲ့၊ ဘယ်လို ပစ္စည်းတွေ ပြောင်းသိမ်းနိုင်သလဲ ဆိုတာ အကြံပြု ရေးသားထားပါတယ်။

ဒေတာ ထိန်းသိမ်းမှုအားနည်းချက်

****************************

ပေရွက်၊ စာအုပ်စာတမ်းတွေဟာ၊ ဆွေးမြေ့သွားနိုင် ပါတယ်။ ပန်းချီကား၊ ဓာတ်ပုံတွေဟာ လည်းအလားတူ ပျက်စီး ပျောက်ဆုံး သွားနိုင်ပါတယ်။ ဖလင်တွေ၊ တိတ်ပ်ရီကော်ဒါ တိပ်ခွေ၊ ဗွီဒီယိုတိပ်ခွေ၊ ကတ်ဆက်တိပ်ခွေတွေဟာ မှိုတက်တာ၊ စိုထိုင်းဆ များတာ၊ မီးလောင်တာ၊ ရေစိုတာတွေ မခံနိုင်ပါ။ ပူလွန်း၊ အေးလွန်းတဲ့ ရာသီဥတု ဒါဏ်ကို မခံနိုင်ပါ။ အဲဒါတွေကို စနစ်တကျ ထိန်းသိမ်းမှု မရှိရင် အစားထိုးမရတဲ့ ဆုံးရှုံးမှုတွေ ဖြစ်ပါလိမ့်မယ်။ ဖြစ်လည်း ဖြစ် ခဲ့ပြီး ဖြစ်ပါတယ်။

ရှေးဟောင်းအမွေ အနှစ်တွေကို ထိန်းသိမ်းထားတာ ဘုန်းတော်ကြီးကျောင်းတွေ ဖြစ်ပါတယ်။ ဒါလည်း စနစ်တကျ ထိန်းသိမ်းထားတာမျိုး မဟုတ်ပါဘူး။ ပျက်စီးဆုံးရှုံးမှုတွေ ဖြစ်ခဲ့တဲ့ ပေစာတွေ၊ စာအုပ်တွေ၊ ဘယ်လောက်ရှိ နေသလဲ၊ ပြည်ပနိုင်ငံတွေကို မှောင်ခိုခိုး ထုတ်ရောင်းချခဲ့တာ ဘယ်လောက်များ နေပြီလဲ၊ ဘယ်သူမှ မပြောနိုင်ပါ။ သူခိုး နွားကောင်းမသိ ဆိုသလို ခိုးထုတ် မှောင်ခိုလာတဲ့ ပစ္စည်းတခုဟာ ဘယ်လောက် တန်သလဲ၊ တိုင်းပြည် အတွက် ဘယ်လောက် အဖိုးတန်သလဲ ဆိုတာ မသိဘဲ ရသလောက်နဲ့ ထုတ်ရောင်းခဲ့တာ ကြာပါပြီ။

ကျနော်တို့ဆီမှာ ဒုက္ခ အပေးဆုံး အန္တရာယ် တခုကတော့ မီးလောင်တာ ဖြစ်ပါလိမ့်မယ်။ ဒုတိယကမ္ဘာစစ်၊ ပြည်တွင်းစစ် တွေကြောင့် မီးလောင်ခဲ့တာ၊ ရပ်ထဲရွာထဲမှာ မီးလောင်ပြီး ပျက်စီးသွားတာတွေ အများကြီး ရှိခဲ့ပါတယ်။ အရေးအခင်း ကာလတွေမှာရော ဘာတွေ ပျက်စီးသွားသလဲ၊ ဘယ်သူမှ သတိ မထားနိုင် ကြသလို၊  နောက်ပိုင်း ဖိဖိစီးစီး တာဝန်ယူ လုပ်ဆောင်တာမျိုးလည်း မတွေ့မိပါဘူး။

ရှေးဟောင်းသမိုင်းဝင် အချက်အလက် ဒေတာ တွေကို မပြောပါနဲ့ ပြီးခဲ့တဲ့အရှေ့ တောင်အာရှအားကစား ပြိုင်ပွဲ အကြိုကာလမှာ ပြသခဲ့တဲ့ သတင်းဗွီဒီယိုတွေ ထဲမှာ မြန်မာပြည်က အိမ်ရှင်အဖြစ် လက်ခံကျင်းပခဲ့တဲ့ နှစ်ကြိမ်မြောက် အရှေ့တောင်အာရှ ကျွန်းဆွယ် အားကစားပြိုင်ပွဲ၊ ငါးကြိမ်မြောက် အရှေ့တောင်အာရှ ကျွန်းဆွယ် အားကစား ပြိုင်ပွဲ တွေရဲ့ မှတ်တမ်းမှတ်ရာတွေ၊ ဗွီဒီယိုတွေ ပြသတာ သိပ်မတွေ့ရပါ။ အရင် ငယ်ငယ်က လွတ်လပ်ရေးနေ့၊ ပြည် ထောင်စုနေ့ လိုမျိုး နေ့တွေ ဆိုရင် ရပ်ထဲ ရွာထဲက ကွင်းပြင်တွေမှာ ရုပ်ရှင် ပိတ်ကားကြီး ထောင်ပြီး ရုပ်ရှင်ပြသခဲ့တဲ့ မှတ်တမ်း ရုပ်ရှင်တွေ ပျက်စီး သွားပြီလို့ သိရပါတယ်။

မြန်မာဘောလုံးအသင်း ရွှေ ခေတ်က ပုံတွေ၊ ငါးကြိမ်မြောက် အရှေ့တောင် အာရှ ကျွန်းဆွယ် အားကစား ပြိုင်ပွဲ မီတာ ၃၀၀၀ တားဆီးကျော် ပြိုင်ပွဲမှာ မြန်မာ ပြေးခုန်ပစ် အားကစားသမား (အောင်သန်းဟု ထင်ပါတယ်) ခြေနာကြီး နဲ့ ပန်း မဝင် ဝင်အောင် ကြိုးစားပြေး ပန်းဝင်လာတာကို အောင်ဆန်းကွင်း တကွင်းလုံး အားပေးခဲ့တဲ့ ရုပ်ရှင် မှတ်တမ်း၊ မာရသွန် သူရဲကောင်း မြီတုန်းနော်တို့၊ ရှင်ဗွေဂန်းတို့ ပန်ဝင်လာတဲ့ ပုံတွေဟာ မျက်လုံးထဲက အခုထိမထွက်တဲ့ ပုံရိပ် တွေ ဖြစ်ပါတယ်။

ဒါလတ်တလော သတိရမိတဲ့ အကြောင်းလေးတွေကို ရေး ဖြစ် တာပါ။ ကျန်တာတွေ အများကြီး ရှိနေပါဦးမယ်။ အားကစား ဝန်ကြီးဌာနက  ထိန်းသိမ်းထားတဲ့ ပုံတွေ၊ ပုံနှိပ်မှတ်တမ်းတွေ ကျန်နေသေးလား၊ မော်ကွန်း ရုပ်ရှင်မှာရော ရှိသေးသလား။ မြန်မာ့ ရုပ်မြင်သံကြားမှာရော ရှိသေးသလား၊ တချို့တဝက်ပျက်စီး နေခဲ့ရင်လည်း ပြုပြင် ပြင်ဆင်ဖို့ မလုပ်ကြဘူးလား မေးခွန်းတွေ တသီကြီး ရှိနေပါတယ်။

အရင်က ပစ္စည်းပစ္စယတွေ ရှားပါးတာ၊ ထိန်းသိမ်းစရိတ် မြင့်တာ၊ အကြောင်း အမျိုးမျိုးနဲ့ ပျက်စီးပျောက်ဆုံး သွားတာတွေကို ဘယ်လိုနည်းနဲ့ ပြန် အစားထိုးလို့ ရမလဲဆိုတာ အခု လုပ်ဆောင်သင့်ပါပြီ။

ဒစ်ဂျစ်တယ်ပုံစံပြောင်းပါ

********************

လက်ရှိ အချိန်မှာတော့ အားလုံး ဒစ်ဂျစ်တယ် ပါပဲ။ အရုပ်အသံ၊ စာ၊ စာအုပ်၊ အရောင်၊ အသံ၊ ဗွီဒီယို စတာတွေ အားလုံး ဒွိသင်္ချာကိန်း (Binary System) နဲ့ပဲ သိမ်းပါတယ်။ သိပ်မကြာ သေးခင်ကပဲ အသုံးများခဲ့တဲ့ ကတ်ဆက် တိပ်ခွေတွေ၊ ဗွီဒီယို တိပ်ခွေတွေဟာ စီဒီတွေ၊ ဒီဗွီဒီတွေ အဖြစ် ဘဝပြောင်းသွားပါပြီ။ စီဒီ၊ ဗွီစီဒီ တွေက မင်မိုရီကတ် တွေ၊ မင်မိုရီစတစ်တွေ အဖြစ် ဘဝပြောင်း သွားပြီး နောက်ပိုင်း ဘာပစ္စည်းတွေ သုံးလာမလဲ ဆိုတာ မသိနိုင်လောက် အောင် မြန်ဆန် တိုးတက်ခဲ့ပြီ ဖြစ်ပါတယ်။

ဖလင်ကင်မရာတွေ၊ ရုပ်ရှင်ဖလင်တွေမှာ သုံးခဲ့တဲ့ ကင်မရာတွေ ဟာလည်း ဒစ်ဂျစ်တယ် ကင်မရာတွေ အဖြစ် ပြောင်းလဲ၊ အားလုံးဒစ်ဂျစ်တယ် ဒေတာတွေ ဖြစ်ကုန်ပါပြီ။ လက်ရှိ အခြေအနေအရ ဆိုရင် ရှိရှိသမျှ သမိုင်းဝင် ဒေတာတွေ ကို ဒစ်ဂျစ်တယ် ပုံစံပြောင်း နိုင်ပါတယ်။ ပြောင်းသိမ်းသင့်ပါတယ်။

သီးခြား ပစ္စည်းတွေ မလိုပါဘူး။ ဖလင် အဟောင်းတွေကို ဖလင် အကောင်းဖြစ်အောင် ပြင်တာ၊တိပ်ခွေ အဟောင်းကို တိပ်ခွေအသစ် ပြုပြင်တာမျိုး ဆိုရင် အဲဒီ ရုပ်ရှင်ပြစက် ဥပမာ ၁၆ မီလီမီတာ ရုပ်ရှင် ပြစက်၊ ဗွီဒီယို အောက်စက် စသဖြင့် သီးသန့် ပစ္စည်းတွေ လိုပါလိမ့်မယ်။ အဲဒီလို ပစ္စည်းမျိုးမရှိရင် ဖွင့်ကြည့် နားထောင်နိုင်မှာ မဟုတ်ပါဘူး။ ဒစ်ဂျစ်တယ် ပုံစံပြောင်းခဲ့ရင် ကွန်ပျူတာ၊ တီဗွီ၊ အင်တာနက်၊ စမတ်ဖုန်း၊ တက်ဘလက် စတာတွေ အားလုံးမှာ ဖွင့်  ကြည့်၊ နားထောင် တည်းဖြတ်တာ လုပ်နိုင်ပါတယ်။ လုပ်ဆောင်ရတာ လွယ်ကူ မြန်ဆန်၊ အချိန်ရော ငွေပါ သက်သာပါ လိမ့်မယ်။

ဖိုးနိုင်ဝင်း (မာစတာပိစ်)