Google Chrome Browser ကို Lock ပြုလုပ်၍ ကာကွယ်ခြင်း

PC အသုံးပြုနေတဲ့သူတွေ အနေနဲ့ အင်တာနက် အသုံးပြုတဲ့ အခါမှာ Google Chrome Browser ကိုလည်း အသုံးပြုကြမှာပါ။ Google Chrome Browser ကို အသုံးပြုသူတွေအနေနဲ့ အခြားသော ဝက်ဘ်ဆိုက်တွေမှာ ဝင်တဲ့ Password တွေကို Chrome Browser ပေါ်မှာ လုံခြုံစိတ်ချစွာနဲ့ သိမ်းဆည်းထားနိုင်မှာ ဖြစ်ပါတယ်။ ဒီလို သိမ်းဆည်းထားတဲ့အတွက် မိမိမရှိတဲ့ အခါမျိုးမှာ စက်ကိုအခြားသူတစ်ယောက်က ဝင်ရောက်သုံးစွဲပြီး Save Password တွေကို ဝင်ရောက်ကြည့်ရှုနိုင်ခြင်း မရှိစေ ဖို့အတွက် ကာကွယ်နိုင်မှာလည်း ဖြစ်ပါတယ်။ မိမိမရှိတဲ့ အခါမှာ အခြားသူတွေက ကိုယ်အသုံးပြု နေတဲ့ Chrome Browser ကို ဝင် ရောက်အသုံးပြုမယ်ဆိုရင် Guest အနေနဲ့သာ အသုံးပြုနိုင်မှာ ဖြစ်ပါတယ်။

Chrome Browser ကို အခြားသူတွေ ဝင်ရောက်ပြီး Save Password တွေကို ရှာဖွေအသုံး မပြုနိုင်စေဖို့ အတွက် သီးသန့် Password တွေ ထည့်သွင်းစရာမလိုဘဲ Google Account မှာ အသုံးပြုတဲ့ Password ကို ရိုက်ထည့်လိုက်ရုံနဲ့ အသုံးပြုနိုင်မှာ ဖြစ်ပါတယ်။ မိမိ Password တွေကိုGoogle Chrome ပေါ်မှာ သိမ်းဆည်း ထားချင်သူတွေ အနေနဲ့ အောက်ဖော်ပြပါအတိုင်း အလွယ်တကူ လုပ်ဆောင်နိုင်မှာ ဖြစ်ပါတယ်။ ပထမဦးဆုံး Chrome Browser ကိုဖွင့်ပါ။ Chrome Browser ကို ဖွင့်ပြီးသွားရင် Address Bar မှာ chrome://flags ဆိုပြီး ရိုက်ထည့်ရမှာ ဖြစ်ပါတယ်။ ပြီးသွားပြီ ဆိုရင်တော့ " Enable new profile management system Mac, Windows, Linux, Chrome OS, Android OS" ဆိုတာကို ရှာဖွေ ရမှာ ဖြစ်ပါတယ်။ အဆိုပါနေရာကို တွေ့ပြီဆိုရင် အောက်ဘက်မှာ Default ဆိုပြီး ရွေးချယ်ပေးထားတာကို တွေ့ရမှာ ဖြစ်ပါတယ်။ Default ဘေးနားမှာရှိတဲ့ Down Arrow Button လေးကို နှိပ်ပြီး "Enable" ဆိုတာကို ရွေးချယ်ပေးရမှာ ဖြစ်ပါတယ်။ ပြီးသွားပြီဆိုရင်တော့ Relunch Now ဆိုတဲ့ Button လေးကို အောက်ဘက်မှာ ရှာဖွေပြီး နှိပ်ပေးရမှာ ဖြစ်ပါတယ်။ ဒါဆိုရင် Chrome Browser ဟာ Restart ပြုလုပ်သွားမှာ ဖြစ်ပါတယ်။ အထက်မှာ ဖော်ပြခဲ့တဲ့ အဆင့်ကတော့ ကိုယ့်ရဲ့ Password တွေကို အခြားသူတွေ ဝင်ရောက်ကြည့်ရှုနိုင်ခြင်း မရှိစေဖို့အတွက် Chrome Browser ပေါ်မှာ Config ဝင်လုပ်တဲ့ အဆင့်ဖြစ်ပါတယ်။ အသုံးပြုပုံကတော့ Chrome Browser ညာဘက်အပေါ်ဆုံး ထောင့်ဘားလေးမှာ Down Arrow နဲ့ မိမိအမည် ပူးတွဲပြီး ပေါ်နေတာ ကို တွေ့မြင်ရမှာ ဖြစ်ပါတယ်။ အဆိုပါနေရာကို နှိပ်လိုက်ရင် Lock ဆိုတာကို တွေ့မြင်ရမှာ ဖြစ်ပါတယ်။ ကိုယ်က အသုံးမပြု တော့ဘူးဆိုတဲ့ အချိန်မှာ အဆိုပါ Lock ကို နှိပ်လိုက်ရင် Chrome Browserဟာ Lock ဖြစ်သွားမှာ ဖြစ်ပါတယ်။
အခြားလူတစ်ဦးက ဝင်ရောက်အသုံးပြုမယ်ဆိုရင်တော့ Browseras Guest ဆိုတာကို ရွေးချယ်ပြီးမှ အသုံးပြုနိုင်မှာ ဖြစ်ပါတယ်။ အကယ်၍ အခြားလူတစ်ယောက်ကိုလည်း Guest အနေနဲ့ အသုံးမပြုလိုဘူး ဆိုရင်တော့ အဆိုပါလူရဲ့ Google Account နဲ့ Password ကို အသုံးပြုပြီး မိမိဘာသာ Login တစ်ခုဖန်တီးပြီး ဝင်ရောက် အသုံးပြု နိုင်မှာ ဖြစ်ပါတယ်။ အကယ်၍ မိမိပြန်လည် အသုံးပြုမယ်ဆိုရင် ကိုယ့်ရဲ့ Account Logo လေးမှာ ကလစ်နှိပ်လိုက်ရင် Google Account Password ကို ရိုက် ထည့်ဖို့အတွက် Password Box ကို တွေ့ရမှာဖြစ်ပြီး အဆိုပါနေရာကနေ Password ကို ရိုက်ထည့်ကာ ဝင်ရောက်အသုံးပြုနိုင်မှာဖြစ်ပါတယ်။ အထက်ဖော်ပြပါ အချက်တွေဟာ Chrome Browser ကို Lock ချတဲ့ နည်းလမ်းဖြစ်ပါတယ်။

စားပွဲတင် ပီစီတွေလို ပစ္စည်းတခုချင်းစီ ရွေးချယ်တပ်ဆင်သုံးနိုင်မယ့် စမတ်ဖုန်း

ပီစီတွေမှာ Branded PC လို့ခေါ်တဲ့ ပီစီတွေဟာ ကွန်ပျူတာ ကုမ္ပဏီကြီးတွေက သူတို့ ရွေးချယ်ထားတဲ့ ဟာ့ဒ်ဝဲ ပစ္စည်းတွေကို၊ သူတို့ စိတ်ကြိုက်တပ်ဆင် ရောင်းချခဲ့တဲ့ ပီစီတွေ ဖြစ်ပါတယ်။ Memory (RAM) တိုးတာမျိုး၊ Hard Drive ထပ်တပ်တာမျိုး အသေးစား Upgrade လုပ်လို့ရပေမယ့် အဓိကကျတဲ့ အစိတ်အပိုင်းတွေကို ၀ယ်ယူသူတွေက Upgrade လုပ်ဖို့ အဆင်မပြေပါဘူး။

အဲဒီမှာ သုံးစွဲသူတွေကနေ အစိတ်အပိုင်း တခုချင်းစီကို စိတ်ကြိုက်ရွေးချယ် တပ်ဆင်သုံးနိုင်မယ့်  ကလုန်း (Clone) ပီစီတွေနဲ့ ဟာ့ဒ်ဝဲ အစိတ်အပိုင်း ပစ္စည်းတွေ ထုတ်လုပ်ရောင်းချတဲ့ ဈေးကွက်ကြီးတခု ပေါ်ပေါက်ခဲ့ပါတယ်။ အခု တွေ့မိတာက Clone PC တွေလို  တစစီရွေးချယ် တပ်ဆင်သုံးနိုင်တဲ့ စမတ်ဖုန်း ဖြစ်ပါတယ်။

ဂူးဂဲလ်ကနေ တာဝန်ယူ  ထုတ်လုပ်ထားပြီး ဈေးကွက်တင် ရောင်းချတဲ့ အဆင့် မရောက်သေးပါဘူး။ ဒါပေမယ့် အဲဒီ စမတ်ဖုန်းဟာ ၂၀၁၅ ခုနှစ်ထဲမှာ ဈေးကွက်တင် ရောင်းချမယ်လို့ သိရပါတယ်။

စားပွဲတင် ကွန်ပျူတာတွေက တခြား အီလက်ထရောနစ် ပစ္စည်းတွေထက် အားသာချက်ကြီး ရှိနေပါတယ်။ အဲဒါ ကတော့ ဘယ် အီလက်ထရောနစ် ပစ္စည်းတွေမှာမှ လုပ်ဆောင်လို့ မရတဲ့ ကွန်ပျူတာပစ္စည်း အစိတ်အပိုင်း တွေကို သုံးစွဲသူတွေက စိတ်ကြိုက်ရွေးချယ် တပ်ဆင်သုံးနိုင်တာ ဖြစ်ပါတယ်။

အစိတ်အပိုင်းတခုခု ချို့ယွင်းခဲ့ရင်လည်း အဲဒီ အစိတ်အပိုင်းကိုပဲ လဲလှယ်တပ်ဆင် သုံးနိုင်ပါတယ်။ ပီစီရဲ့ မားသားဘုတ်၊ RAM, Power Supply အိမ်ခွံ၊ Hard Drive, CD/ DVD/ BluRays Drive စတာတွေကို ရွေးချယ် သုံးနိုင်ခဲ့ပါတယ်။ လက်ပ်တော့ တွေကိုလည်း အလားတူ လုပ်ဆောင်နိုင်အောင်၊ ကိုယ်တိုင် တပ်ဆင် သုံးနိုင်အောင် လုပ်ခဲ့ဖူးပါတယ်။

လက်ပ်တော့တွေရဲ့ အိမ်ခွံ၊ LCD Display Keyboard, Power Adapter စတာတွေနဲ့ မားသားဘုတ်ကို တွဲရောင်းချပြီး၊ ကျန်တဲ့ အစိတ်အပိုင်းတွေ သုံးစွဲသူကနေ ရွေးချယ်တပ်ဆင် သုံးနိုင်အောင် လုပ်ထားပါ တယ်။ ဒါပေမယ့် Clone PC မှာလို အောင်မြင်မှု မရခဲ့ပါဘူး။ စမ်းသပ် ထုတ်လုပ် ရောင်းချတဲ့ အဆင့်မှာတင် ပွဲသိမ်းသွားပါတယ်။

အခု စမတ်ဖုန်းတွေ ကိုလည်း အဲဒီလို ရွေးချယ်တပ်ဆင် သုံးနိုင်အောင် လုပ်ဆောင်ထားတာက ဂူးဂဲလ်က ဖြစ်ပြီး၊ လက်ရှိ နည်းပညာ ကုမ္ပဏီတွေထဲမှာ ထူးထူးခြားခြား လုပ်ဆောင်လေ့ ရှိပြီး၊ အချိန်တို အတွင်း အအောင်မြင်ဆုံး ဖြစ်ခဲ့တဲ့ ကုမ္ပဏီကြီး ဖြစ်ပါတယ်။

အဲဒီကုမ္ပဏီရဲ့ လုပ်ဆောင်ချက်က စမတ်ဖုန်းတွေရဲ့ အဓိကကျတဲ့ အစိတ်အပိုင်းကို ၀ယ်ယူပြီး၊ လိုအပ်တဲ့ အပိုင်းတွေ ကို ရွေးချယ်ဝယ်ယူ တပ်ဆင်သုံးနိုင်ဖို့ ဖြစ်ပါတယ်။ ဂူးဂဲလ်ကနေ အဲဒီပရောဂျက်ကို Project Ara လို့ နာမည်ပေးထား ပါတယ်။ စမတ်ဖုန်းရဲ့ အစိတ်အပိုင်း တခုချင်းစီကို ပြောင်းလဲတပ်ဆင် သုံးနိုင်ပြီး ကင်မရာ အပိုင်းလေးကို ဖြုတ်လဲ တာ၊ CPU အပိုင်းကို ဖြုတ်လဲတာ၊ Display ကို ဖြုတ်ပြီး တခြားဖုန်းမှာ သုံးတာမျိုးကို အလွယ်တကူ မြန်မြန်ဆန်ဆန် လုပ်နိုင်ပါတယ်။

အဲဒီလိုလုပ်ဆောင်ဖို့ စီမံကိန်းကို I/O 2014 ပြပွဲကြီးမှာ ဂူးဂဲလ်က ပြသခဲ့ပြီး၊ Ara အတွက် နမူနာသုံးမယ့် CPU တွေကို ထုတ်လုပ်ဖို့ Marvell နဲ့ Nvidia ကုမ္ပဏီတွေနဲ့ အပူတပြင်း လုပ်ဆောင်နေပါတယ်။

လတ်တလော နမူနာပုံစံ ၂ မျိုး ထုတ်လုပ်ဖို့ အတွက် PXA 1928 နဲ့ Tegra K4 Processor တွေကို သုံးထားပါတယ်။ AP Module တွေနဲ့ ဆက်စပ်သုံးမယ့် အတိုင်းကို Toshiba Unipro bridge ASIC (Application-Sepcific Integrated Circuit) ကို သုံးထားပါတယ်။

၂၀၁၅ အစပိုင်းလောက်မှာ Ara ကို ဈေးကွက် တင်နိုင်လိမ့်မယ် လို့ ခန့်မှန်းထားပြီး အဓိက အထိုင် အစိတ်အပိုင်းကို ဒေါ်လာ ၅၀ လောက်နဲ့ပဲ ရောင်းချပါလိမ့်မယ်။ ဒါဟာ ဂူးဂဲလ်ကနေ လူသန်းခြောက် ထောင်လောက် ရှိနေတဲ့ ဈေးကွက် အနေအထားကြောင့် အမြတ်အစွန်း ပါးပါးလေးပဲ ယူပြီး လူအမြောက်အများ သုံးစွဲအောင် လုပ်ဆောင်တဲ့သဘော ဖြစ်ပါတယ်။

အဲဒီ အထိုင်ယူနစ်မှာ ကြိုးမဲ့ ဆက်သွယ်ဖို့ Wi-Fi ပဲ လုပ်ဆောင်ပေး နိုင်ပြီး သုံးစွဲသူရဲ့ လိုအပ်ချက်အရ 3G ဒါမှ မဟုတ် 4G LTE ဆက်သွယ်ရေး လုပ်ဆောင်ပေးနိုင်တဲ့ Module (မော်ဂျူး) တွေကို စိတ်ကြိုက်ရွေး တပ်ဆင်သုံးနိုင်ပါမယ်။ အဲဒီလို စမတ်ဖုန်းတွေကို စီမံကိန်း ရေးဆွဲ လုပ်ဆောင်နေတာက Google ရဲ့ Advanced Technology and Patents Department (ATAP) က ဦးဆောင် လုပ်ကိုင်နေပြီး အပြည့်အ၀ အလုပ်လုပ်နိုင်တဲ့ နမူနာပုံစံ (Prototype) ကို သီတင်းပတ် အနည်းငယ် အတွင်း ထုတ်လုပ်ပြီးစီးမယ် လို့ သိရပါတယ်။

Google ကနေ Ara ရဲ့ Developer Conference ကို ၂၀၁၄ ခု ဧပြီလ ၁၅ ရက်နဲ့ ၁၆ ရက်နေ့ ကယ်လီဖိုး နီးယားမှာ ကျင်းပခဲ့ပါတယ်။ အခုပွဲဟာ Developer တွေလို့ ပြောထားပေမယ့် ဆော့ဖ်ဝဲတွေသာမက ဟာ့ဒ်ဝဲသမားတွေနဲ့ပါ သက်ဆိုင်ပါတယ်။ ဘာဖြစ်လို့လဲ ဆိုတော့ Ara ဟာ ဟာ့ဒ်ဝဲတွေကိုပါ Open Source ဟာ့ဒ်ဝဲတွေ အဖြစ် လုပ်ဆောင် ဖို့ ရည်ရွယ်ထားပြီး၊ Google ရဲ့ Andriod ဆော့ဖ်ဝဲတွေလိုမျိုး Developer တွေ ထောင်ပေါင်းများစွာ ပူပေါင်း လုပ်ဆောင်နိုင်အောင် လုပ်ထားလို့ ဖြစ်ပါတယ်။

ကားဂိုထောင်ထဲမှာ၊ မြေအောက်ခန်းလေးထဲမှာ ကိုယ်ပိုင်တနိုင် လုပ်ဆောင်နေကြတဲ့ ဟာ့ဒ်ဝဲ၊ ဆော့ဖ်ဝဲ Developer တွေပါ ပါဝင် လုပ်ဆောင်နိုင်အောင် Open Source လုပ်ထားတယ်လို့ Google က ပြောထား ပါတယ်။ အဲဒီ ပွဲမှာပဲ Google ကနေ Module Developer Kit (MDK) ကို မိတ်ဆက်ပေးခဲ့ပါတယ်။ Google ကနေ အဲဒီ ကွန်ဖရင့်ကို ကျင်းပတာဟာ Ara ပလက်ဖောင်းအတွက် ဆောင်လိုသူတွေ အသေးစိတ် လုပ်ဆောင်နိုင်အောင်နဲ့ သူ့ရဲ့ Play Store မှာ Developer တွေက လုပ်ဆောင်ထားတဲ့ Ara ဟာ့ဒ်ဝဲ မော်ဂျူးတွေကို ရောင်းချဖို့ အထိ လုပ်ဆောင်သွားမှာ ဖြစ်တယ် လို့ ပြောပါတယ်။ သင့်အနေနဲ့ သင့်ဖုန်းမှာ တပ်ဆင်သုံးချင်တဲ့ မော်ဂျူးတွေ အလွယ်တကူဝယ်ယူ တိုးမြှင့်နိုင်ပါမယ်။

မော်ဂျူးတွေဟာ ၄ မီလီမီတာလောက်ပဲ ထူပြီး Ara မှာ တပ်ဆင်သုံးခဲ့ရင်တော့ အဲဒီ Ara ဖုန်းတွေဟာ ၁၀ မီလီမီတာလောက်ပဲ ထူပါလိမ့်မယ်။

မော်ဂျူးတွေကို ပြန်ဖြုတ်မယ်ဆိုရင်တော့ သင့်ဖုန်းရဲ့ App ကနေ အဲဒီ Module ကို အရင်ဖြုတ်ပြီးမှ လုပ်ပေးပါ လိမ့်မယ်။ အရင်က USB Memory Stick လေးတွေကို ဆော့ဖ်ဝဲသုံး အရင်ဖြုတ်ပြီးမှ Port ကနေ ဆွဲဖြုတ်ရတာနဲ့ ဆင်တူပါတယ်။

Time ရဲ့ အစီရင်ခံစာအရ Ara ဟာ အရွယ်အစား ၃ မျိုးနဲ့ ထုတ်လုပ်မှာ ဖြစ်ပြီး Mini (အသေးစား) Medium (အလတ်စား) နဲ့ ဂျမ်ဘို( အကြီးစား)ဆို ပြီးရှိပါမယ်။ ဂျမ်ဘိုကတော့ အခုလတ်တလော ရေပန်းစားနေတဲ့ Phablet စမတ်ဖုန်းတွေ အရွယ်အစားဖြစ်ပါတယ်။ အဲဒီစမတ်ဖုန်းတွေရဲ့ အရွယ်အစားပေါ် မူတည်ပြီး သူ့မှာ တပ်ဆင် သုံးနိုင်တဲ့ မော်ဂျူးလေးတွေရဲ့ ပမာဏ ကွာခြားမှု ရှိနေပါမယ်။

Hot-swapped လုပ်နိုင်တဲ့ Module တွေ

Hot-swapped လုပ်တယ် ဆိုတာ သင့်ရဲ့စမတ်ဖုန်း ဘက်ထရီကို ဖြုတ်ဖို့ အတွက် အဲဒီဖုန်းကို ပါဝါပိတ်စရာ မလိုဘဲ ဖြုတ်နိုင် တပ်နိုင်တာကို ဆိုလိုပါတယ်။ ဘက်ထရီ တင်မကသေးပါဘူး ကျန်တဲ့ မော်ဂျူး တွေကိုပါ ထုတ်တပ်နိုင်စေပြီး ဖြုတ်တပ်လို့ မရတာက ဖုန်းရဲ့ ပရိုဆက်ဆာနဲ့ ဒစ်စပလေးတွေ ဖြစ်ပါမယ်။
သင့် အနေနဲ့ ဓာတ်ပုံတပုံ ရိုက်ဖို့မြင်ကွင်း ကောင်းတဲ့ အခြေအနေ တခုကိုတွေ့တဲ့ အချိန်ကျ မှသင့်ရဲ့ စမတ်ဖုန်းမှာ ကင်မရာ တပ်မထားရသေးဘူး ဆိုပါစို့၊ သင့်အနေနဲ့ ကင်မရာ မော်ဂျူးကို အခုပဲတပ်၊ အခုပဲ ရိုက်နိုင်ပါမယ်။ ဒါမှ မဟုတ် အဲဒီ ကင်မရာ ပျက်စီးသွားခဲ့ရင် ဖြစ်ဖြစ်၊ ဒါမှမဟုတ် သူ့ထက်ကောင်းတဲ့ ကင်မရာကိုလဲ တပ်မယ် ဆိုရင်ဖြစ်ဖြစ် ဂူးဂဲလ်စတိုးက နေ၀ယ်ပြီး တပ်လိုက်ရုံပါပဲလို့ Paul Eremenko က ပြောပါတယ်။

မော်ဂျူးလာ ဖုန်းတွေရဲ့ဈေးနှုန်း

ဂူးဂဲလ်ကနေ သူ့ရဲ့ မော်ဂျူးလာဖုန်း (modular) ပရောဂျက်ကို project Ara လို့နာမည်ပေးထားပြီး သူ့ရဲ့ဖုန်းကိုတော့ ဂူးဂဲလ်ဧရာ (Google Ara) လို့ နာမည် ပေးထားပါတယ်။ ၂၀၁၅ ထဲမှာ ဈေးကွက်တင်မှာ ဖြစ်ပြီး အဲဒီနာမည်ကိုပဲ ဆက်သုံးမယ် လို့ ယူဆရပါတယ်။ အဲဒီ ဖုန်းရဲ့အထိုင်က ဒေါ်လာ ၅၀ လောက်ပဲ သတ်မှတ်ထားပြီး၊ ဗွီဒီယို လုပ်ဆောင်မှု အပိုင်းလေးကို ၁၅ ဒေါ်လာလောက် ရှိပြီး တခြား အစိတ်အပိုင်းတွေ အတွက် ၃၅ ဒေါ်လာလောက် ကုန်ကျပါမယ်။

ပြပွဲမှာတုန်းက ပြခဲ့တဲ့ နမူနာ မော်ဒယ်ဟာ display ကို လဲလို့ ရအောင် လုပ်ထားတာ တွေ့ရပါတယ်။ အရင်က ကြားထားတဲ့ အတိုင်းဆိုရင် ဒစ်စပလေးကို ဖြုတ်လို့ လဲလို့ မရဘူးလို့ သိထားပါတယ်။ ဒါပေမယ့် ဈေးသက်သာအောင် လုပ်ထားတဲ့ မူရင်း မော်ဒယ်ဟာ ရီဆိုလူးရှင်း 800 x 400 LCD တွေ ဖြစ်နိုင်ပါတယ်။ သင့်အနေနဲ့ အပြည့်အ၀ လုပ်ပေးနိုင်တဲ့ IPS ဒစ်စ်ပလေး ဒါမှမဟုတ် OLED ဒစ်စပလေးတွေ ပြောင်းသုံးခဲ့ရင်တော့ ဈေးအများကြီး ပိုသွား နိုင်ပါတယ်။

အခု ဂူးဂဲလ်ရဲ့ ဧရာဖုန်းဟာ ဂူးဂဲလ်လို ကုမ္ပဏီကြီးက တာဝန်ယူ လုပ်နေတဲ့ အတွက်သုံးစွဲ သူတွေကတော့ ၀မ်းသာစရာ သတင်းတခုပါ။ ဒါပေမယ့် မိုဘိုင်းလ် ဖုန်းတွေ ထုတ်ပြီး လုပ်စားနေကြတဲ့ ကုမ္ပဏီတွေကတော့ တော်တော် အထိနာမယ့် ကိစ္စဖြစ်နေပါလိမ့်မယ်။ လက်ရှိ ရောင်းချနေတဲ့ မိုဘိုင်းလ် ဖုန်းတွေကို ကြည့်ရင် သူတို့ရဲ့ ထုတ်ကုန်ပစ္စည်းတွေရဲ့ ကုန်ကျစားရိတ်ဟာ ရောင်းဈေးရဲ့ တ၀က်လောက်ပဲ ရှိနေပါတယ်။

ဆမ်ဆောင်းဟာ ကုမ္ပဏီရဲ့ သက်တမ်းတလျှောက် ဒီနေ့အထိ ဖုန်းတွေ ထုတ်လုပ်ခဲ့တဲ့ အထဲမှာ Note 4 ဟာ ကုန်ကျစရိတ် အမြင့်ဆုံးဖြစ်ပါတယ်။ ဒါတောင်မှ အစိတ်အပိုင်းတွေရဲ့ စုစုပေါင်း ကုန်ကျစရိတ် ဒေါ်လာ ၂၆၀ ပဲ ရှိပါတယ်။ iPhone 6 ကတော့အရွယ် အစား ငယ်တဲ့ ဖုန်းတွေကို ၂၂၇ ဒေါ်လာ၊ ကြီးတဲ့ မော်ဒယ်တွေက ၂၄၂ ဒေါ်လာ ကုန်ကျပါတယ်။ quad HD diaplay 5.7” 2560 x 1440 66.5 ဒေါ်လာ၊ ပရိုဆက်ဆာက 40.5 ဒေါ်လာ၊16 Mega-pixel ကင်မရာက ၂၅.၅၀၊ ကျန်တဲ့ အစိတ်အပိုင်းတွေက ဒေါ်လာ၂၀ လောက် ပဲရှိပါ တယ်။

ကျန်တဲ့ ကုန်ကျစရိတ်တွေ လည်း ရှိနေပါလိမ့်မယ်။ ဒါပေမယ့် အများနဲ့ ထုတ်လုပ်ဆောင် ရွက်ရတာ ဖြစ်လို့ ဖုန်း တလုံးချင်းစီပေါ် ကုန်ကျစရိတ်က သိပ်များ မနေပါဘူး။ လက်ရှိဈေးကွက်ထဲက စမတ်ဖုန်းတွေရဲ့ ပေါက်ဈေးနဲ့ ယှဉ်ကြည့်ရင် ရာခိုင်နှုန်း တော်တော်များများ အမြတ်တင် ရောင်းချနေတာ ဖြစ်ပါတယ်။ အဲဒီလို ခွင်ကောင်းကောင်း မိထားတဲ့ ကုမ္ပဏီတွေကတော့ ဂူးဂဲလ်ရဲ့ ဧရာဖုန်း ဈေးကွက်တင် ရောင်း ချတာကို ကြိုဆိုမှာ မဟုတ်ပါဘူး။

အစိမ်းရောင်စမတ်ဖုန်း

အခု ရေးပြထားတဲ့ ဖုန်းသာ တွင်တွင်ကျယ်ကျယ် သုံးလာခဲ့ရင် သဘာဝ ၀န်းကျင်ထိခိုက်မှုကိုပါ
လျော့ချနိုင်ပါ လိမ့်မယ်။ ဘာဖြစ်လို့လဲ ဆိုတော့ မိုဘိုင်းလ်ဖုန်းတွေ စမတ်ဖုန်းတွေ အများစုဟာ အစိတ်အပိုင်းတခုခု ချို့ယွင်းသွားခဲ့ရင် ပြင်ဖို့ မလွယ်တာ၊ ကုန်ကျစရိတ်များ နေတာကြောင့် အသစ်တလုံး ၀ယ်သုံးကြရတာ များပါတယ်။

ဒီကြားထဲမှာ ဘက်ထရီ၊ ဘက်ထရီချာချာတွေက အစ တခုနဲ့တခု မတူတာ၊ ပြောင်းသုံးလို့ မရတာ တွေကြောင့် မလိုအပ်ဘဲ ဖုန်းတွေ စွန့်ပစ်ကြရပါတယ်။ Adapter တွေကလည်း Brand ချင်း တူတာတောင်မှ မော်ဒယ် မတူရင် ပြောင်းသုံးလို့ မရအောင် လုပ်ထားတာတွေ ရှိနေလို့ အခုလို အပိုင်း တခုချင်းစီကိုသာ အလွယ်တကူ ဖြုတ်လဲနိုင်တဲ့ ဖုန်းဆိုရင် ပျက်တဲ့ အပိုင်းကိုပဲ အသစ်ဝယ်သုံးနိုင်၊ Upgrade လုပ်နိုင်ပါမယ်။ အဲဒီ အတွက် ပတ်ဝန်းကျင် ထိန်းသိမ်းဖို့လုပ် ဆောင်နေကြသူတွေက ကြိုဆိုမှာ သေချာပါတယ်။

Google ရဲ့ Ara ဖုန်းဟာ ဈေးနှုန်းလည်းသက်သာ ပစ္စည်းတခုချင်းစီ စိတ်ကြိုက်ရွေး တပ်ဆင် သုံးနိုင်တဲ့ အတွက် ဈေးကွက်မှာ ပေါက်သွားမယ် လို့ ယူဆရပါတယ်။ Google ရဲ့ Ara ဖုန်းကို သုံးစွဲသူတွေ အများအပြား ပြောင်းမသုံး ခဲ့ရင်တောင်မှ မိုဘိုင်းလ်ဖုန်းတွေရဲ့ ဈေးဟာ ဒီထက် ပိုလျော့လာပါလိမ့်မယ်။ ပီစီတွေမှာတုန်းကလိုသာ အောင်မြင်ခဲ့ ရင်တော့ အတိုင်းထက် အလွန်ပါပဲ။

Google ရဲ့ Play store မှာအဲဒီ Ara ဖုန်းကို ရောင်းခဲ့ရင်တော့ တလုံးလောက်တော့ စမ်းဝယ်မလို့ပါ။ ဒါပေမယ့် မင်းတို့ နိုင်ငံက ဈေးဝယ်လို့ ရတဲ့စာရင်းထဲမှာ မပါသေးပါဘူး ဆိုတဲ့ စာတန်း ပေါ်လာပြီး ဆက်လုပ် မရတာကိုတော့ နည်းပညာ လေ့လာရတဲ့ အခက်အခဲထက် ပိုပြီး စိတ်နာကြောင်းပါ။     ။

ဖိုးနိုင်ဝင်း (မာစတာပိစ်)

၂၀၁၅ မှာ မြင်တွေ့ရမယ့် PC နည်းပညာ အသစ်နဲ့ နည်းပညာ ပစ္စည်း အသစ်တွေ

ပီစီတွေရဲ့ နည်းပညာအသစ်တွေ အကြောင်း ရေးထားတော့ စိတ်ဝင်စားမှု ရှိချင်မှ ရှိပါလိမ့်မယ်။ ခရီးဆောင် ကွန်ပျူတာနဲ့ မိုဘိုင်းလ် ပစ္စည်းတွေဟာ ခွဲခြားလို့ မရတော့ လောက်အောင် ဖြစ်နေပါပြီ။ ဘယ်လိုပဲဖြစ်ဖြစ် ပီစီတွေ ကလည်း သူ့နည်း သူ့ဟန်နဲ့ ပိုမြန်အောင်၊ ပိုပေါ့ပါး သေးငယ်အောင် ပိုပြီး ထိရောက်မှု ရှိအောင်၊ သက်သောင့် သက်သာ ရှိအောင် သူ့နည်းသူ့ဟန်နဲ့ စွမ်းဆောင်နေပါတယ်။

ပီစီတွေရဲ့ နည်းပညာတွေနဲ့ နည်းပညာ ပစ္စည်းတွေ ဆိုပေမယ့် ခရီးဆောင် နုတ်ဘုတ်၊ လက်ပ်တော့၊ တက်ဘလက်၊ စမတ်ဖုန်းတွေနဲ့ပါ ဆက်စပ်နေလို့ ပီစီအတွက် သီးသန့်လို့ ပြောလို့ မရတဲ့ နည်းပညာတွေ ဖြစ်နေပါတယ်။

9X series and 100 series chipset

9x စီးရီးနဲ့ 100 စီးရီး ချစ်ပ်ဆက်တွေ ကလည်း ၂၀၁၅ ထဲမှာ ထုတ်လုပ်ဈေးကွက် တင်ပါလိမ့်မယ်။ 9x စီးရီးချစ်ပ်ဆက် သုံး မားသားဘုတ်တွေ ကတော့ ဈေးကွက်ထဲမှာ ရနေပြီး Haswell ရဲ့ အဆင်မြင့်ဆုံး Haswell-E (Enthusiast) စီပီယူတွေနဲ့ တွဲသုံးပါလိမ့်မယ်။ ၉ စီးရီးချစ်ပ်ဆက် တွေထဲမှာ ထုံးစံအတိုင်း X99 Express  ဆိုရင် အဆင့်မြင့်၊ စွမ်းဆောင်ရည် မြင့်မားသားဘုတ်တွေက H97 Express, Z97 Express စတဲ့ချစ်ပ်ဆက်တွေ သုံးထားပါ လိမ့်မယ်။

နောက်လာမယ့် Skylake စီပီယူတွေနဲ့ တွဲသုံးဖို့ ကိုတော့ ၁၀၀ စီးရီး Q170, Q150, B150, H110, H170, Z170 ချစ်ပ်ဆက်တွေ ရှိနေပါတယ်။ အဲဒီ ချစ်ပ်ဆက်တွေ ကတော့ သီးခြား ဝယ်သုံးရတာမျိုး မဟုတ်ပေမယ့် မားသားဘုတ် ဝယ်ယူတဲ့ အခါမှာ ရွေးဝယ်ရပါမယ်။ အဲဒီ ချစ်ပ်ဆက်တွေပေါ် မူတည်ပြီး ပီစီတလုံး၊ လက်ပ်တော့၊ တက်ဘလက်ရဲ့ လုပ်ဆောင်နိုင်မှုတွေ၊ စွမ်းဆောင်ရည်တွေ ကွာခြားမှု ရှိနေပါလိမ့်မယ်။

DDR 4 Memory

DDR 3 memory တွေကို ၂၀၀၉ ခုနှစ်ကတည်းက သုံးခဲ့တာ ဖြစ်ပါတယ်။ အခုအချိန်မှာတော့ DDR 3 ထက် ပိုမြန်တဲ့ DDR 4 memory ကို သုံးဖို့ လိုအပ်နေခဲ့တာ ကြာပါပြီ။ ဈေးကွက်ထဲ အခုမှ ရောက်လာတာ ဖြစ်ပါတယ်။ DDR 4 တွေဟာ DDR 3 တွေထက် memory bandwidth ၅၀ ရာခိုင်နှုန်း၊ ပါဝါစားနှုန်း ချွေတာတဲ့ အပိုင်းမှာ ၃၅ ရာခိုင်နှုန်း အသာရပါတယ်။

လက်ရှိ အချိန်မှာတော့ အဆင့်မြင့် Extreme Edition တွေမှာပဲ DDR 4 ကို ထောက်ပံ့ လုပ်ဆောင်ပေးမှာ ဖြစ်ပြီး ၂၀၁၅  ဒုတိယနှစ်ဝက် လောက်မှ စားပွဲတင် ပီစီတွေရဲ့ အများသုံးအဆင့် ပီစီတွေ အတွက် ၂၀၁၅ခုနှစ်ဒုတိယနှစ် ဝက်မှာ ဖြန့်ချိမယ့် Skylake CPU တွေ ဖြန့်ချိပြီးတဲ့ အချိန်ကျမှ သုံးနိုင်ပါမယ်။

DDR 3 ကနေ DDR4 ကို ပြောင်းသုံးဖို့ အတွက် သူ့ရဲ့ pin အရေအတွက် ပိုများလာပါ လိမ့်မယ်။ ပါဝါစားနှုန်း 1.354 အမြန်နှုန်း 3333 MHz  ရှိပါတယ်။ ဈေးနှုန်းကတော့ 288 Pin 4GB DDR4 RAM လေးချောင်းကို ဒေါ်လာ ၂၈၀ လောက်ပေးရပါမယ်။

Curve Monitor

ဈေးကွက်ထဲမှာ TV အခွက်တွေ ဈေးကွက်တင် ထားတာ ကြာခဲ့ပါပြီ။ ဒီက တီဗွီဈေးကွက်ထဲမှာ ဆမ်ဆောင်းရဲ့ တီဗွီအခွက်ကို ဈေးကွက် တင်ထားတာ တွေ့မိပါတယ်။ အခု ကွန်ပျူတာနဲ့ တွဲသုံးနိုင်မယ့် မော်နီတာ အခွက်တွေ ဖြစ်ပါတယ်။ LG ရဲ့ ၃၄ လက်မ မော်နီတာက ၂၁:၉ Ultra Wide QHD (ရီဆို လူးရှင်း 3440 X 1440) မော်နီတာ ဖြစ်ပြီး၊ ISP မော်နီတာ အခွက်ကို သုံးထားပါတယ်။

HDMI port နှစ်ခု၊ Thunder Bolt port နှစ်ခု ၊ USB 3.0 နှစ်ခုနဲ့ စပီကာပါ တွဲပါပါမယ်။ ရောင်းဈေး ဒေါ်လာ ၁၃၀၀ လောက်ရှိပါတယ်။ ဆမ်ဆောင်းက ထုတ်လုပ်ထားတာက ၂၇ လက်မ Full-HD (ရီဆိုလူးရှင်း 1920 X 1080) မော်နီတာ ဖြစ်ပြီး ရောင်းဈေး ဒေါ်လာ ၄၃၀ လောက်ရှိပါတယ်။ အဲဒီမော်နီတာ အခွက်တွေဟာ ၂၀၁၅ ထဲမှာ များများစားစား သုံးစွဲကြပါ လိမ့်မယ်။

Broadwell နဲ့ Skylake စီပီယူတွေ

ပြီးခဲ့တဲ့ နှစ်ကုန်လောက်က Broadwell စီပီယူတွေကို ဈေးကွက် တင်ထားပြီး ဖြစ်ပါတယ်။ ဒါပေမယ့် အဲဒီ စီပီယူ တွေက တက်ဘလက်တွေနဲ့ 2 in 1 ဟိုက်ဘရစ် လက်ပ်တော့တွေ အတွက် ဖြစ်နေပြီး၊ သုံးစွဲသူတွေ စိတ်တိုင်းကျ ၀ယ်ယူ ရရှိနိုင်အောင် ဈေးကွက်တင် ရောင်းချတာ မဟုတ်ပါဘူး။ OEM တွေ ဆီကိုပဲ အမြောက်အမြား ရောင်းချ ထားတာ ဖြစ်ပါတယ်။

၂၀၁၅ နှစ်လယ်လောက်မှာတော့ စားပွဲတင်ပီစီတွေမှာ သုံးနိုင်မယ့် Broadwell တွေကို ဈေးကွက်တင် ပါလိမ့်မယ်။ ဒီထက် ပိုထူးခြားတာကတော့ 14nm နဲ့ ထုတ်လုပ်မယ်။ Skylake CPU တွေကို ၂၀၁၅ နှစ်ကုန်လောက်မှာ ဖြန့်ချိမှာ ဖြစ်ပြီး၊ 10nm Cannonlake စီပီယူတွေကိုတော့ ၂၀၁၆ ထဲမှာ ဖြန့်ချိပါလိမ့်မယ်။ အခုဖြန့်ချိထားပြီးတဲ့ Broadwell တွေ တောင်မှ ပန်ကာ မလိုတော့တဲ့ တက်ဘလက်တွေ၊ ဟိုက်ဘရစ်တွေ ထုတ်လာနိုင်ခဲ့ပြီး ဖြစ်လို့ တည်ဆောက်မှု နည်းပညာ အသစ် သုံးထားတဲ့ 14nm Skylake စီပီယူတွေ ဆိုရင်တော့ အတိုင်းထက် အလွန် ဖြစ်ပါလိမ့်မယ်။

Hybrid Memory Tube

လက်ရှိ အသုံးများနေတဲ့ RAM တွေဟာ ဒိုင်းနမစ် Dynamic RAM တွေ ဖြစ်ပါတယ်။ အခု Micron ကနေ မိတ်ဆက် ပေးလိုက်တာက Hybrid Memory Tube လို့ ခေါ်တဲ့ နည်းပညာ အသစ်ဖြစ်ပါတယ်။ သူ့ရဲ့လုပ်ဆောင်မှုက memory module တွေကို ဆားကစ်ဘုတ်ပြားမှာ ဘေးတိုက်စီထားတဲ့ ပုံစံအစား၊ ထောင်လိုက် တခုပေါ် တခု ထပ်ထားတဲ့ နည်းလမ်းကို သုံးထားပါတယ်။

အဲဒီ ပြုပြင်ပြောင်းလဲ လုပ်ဆောင်ထားတဲ့ ပုံစံကြောင့် လက်ရှိ အသုံး အများဆုံး DDR 3 RAM တွေထက် bandwidth တွေကို ၁၅ ဆလောက် ပါဝါသုံးစွဲမှု ထိရောက်မှုအပိုင်းကို ၇၀ ရာခိုင်နှုန်းလောက် တိုးတက်စေ ပါတယ်။ အဲဒီ Hybrid memory Tube နည်းပညာ သုံးစွမ်းဆောင်ရည်မြင့် ဝပ်စတေရှင်တွေနဲ့ ဆာဗာတွေကို ၂၀၁၅ခုနှစ်ထဲမှာတွေ့မြင် ကြရမှာ ဖြစ်ပြီး၊ လက်ပ်တော့တွေမှာပါ သုံးကောင်း သုံးလာကြပါ လိမ့်မယ်။

SATA Express

ပီစီတွေ၊ လက်ပ်တော့တွေ စတဲ့ ပစ္စည်းတွေမှာ အရေးတကြီး လိုအပ်နေတာက သိုလှောင်သိမ်းဆည်း နိုင်တဲ့ ပစ္စည်းတွေရဲ့ အမြန်နှုန်း ဖြစ်ပါတယ်။ အဲဒီပြဿနာကို ဖြေရှင်းဖို့ SSD တွေ၊ Solid State Drive တွေနဲ့ တွဲသုံးရမယ့် SATA interface တွေကို တီထွင်သုံး နိုင်ခဲ့ပါတယ်။ SATA တွေမှာမှ SATA 2, SATA 3 တွေကို တိုးတက်တီထွင် သုံးနိုင် ခဲ့ပါတယ်။

ဒါတောင်မှ SATA တွေဟာ SSD တွေရဲ့ အမြန်နှုန်းကို အပြည့်အဝ လုပ်ဆောင်မပေးနိုင်လို့ ပီစီတွေ အတွက် PCI-e slot မှာ expansion card တွေလို ပုံစံမျိုး တပ်သုံးရတဲ့ SSD, notebook တွေ အတွက် mini PCI-e မှာ တပ်ဆင်သုံး နိုင်တဲ့ Sloid state storage ကတ်တွေကို သုံးခဲ့ပါတယ်။ ဒါလည်း SATA တွေကSSD ရဲ့စွမ်းဆောင်ရည်ကို လိုက်မမီ သေးလို့အခု SATA Express ကိုစံသတ် မှတ်လာကြ တာဖြစ်ပါတယ်။

SATA Express ဟာ လက်ရှိသုံးနေတဲ့ SATA ဆက်သွယ်မှုကိုပဲ PCI Express ကို သုံးတဲ့ဒေတာ လွှဲပြောင်းရယူသုံးနိုင် တဲ့ လမ်းကြောင်း အပိုတခု ထပ်ဆောင်း သုံးထားတာ ဖြစ်ပါတယ်။ အမြန်နှုန်းတစက္ကန့်မှာ 6 gigabit ကနေ 16 Gigabit လောက်အထိ ဒေတာတွေပို့ ယူနိုင်ပါ လိမ့်မယ်။

အခုလက်ရှိမှာ SATA Express ထောက်ပံ့ လုပ်ဆောင်ပေးနိုင်တဲ့ မားသားဘုတ်နဲ့ SATA Express drive တွေ များများစားစား မရှိသေးပေမယ့် သိပ်မကြာခင် အသုံးများလာပါ လိမ့်မယ်။

Windows 10

မိုက်ခရိုဆော့ဖ်က Windows 8.1 ကို ထုတ်လုပ် ရောင်းချထားပြီး ဖြစ်ပါတယ်။ Windows 8.1ဟာ လက်ရှိအချိန်မှာ နောက်ဆုံး ထုတ်ထားတဲ့ ၀င်းဒိုးစ်ဗားရှင်း ဖြစ်ပြီး၊ ၂၀၁၅ ခုနှစ် ထဲမှာ Windows 10 ကို ဖြန့်ချိပါလိမ့်မယ်။ Windows 8.1 ပြီးရင် Windows 9 လို့ ဈေးကွက်တင်ရမှာ ဖြစ်ပေမယ့် အရင်က ထုတ်လုပ်ခဲ့ပြီးတဲ့ Windows 9x တွေရဲ့ တချို့ code တွေ 9xxx စသဖြင့် သုံးထားခဲ့ပြီး ဖြစ်လို့ Windows 9 ဆိုပြီး နာမည်ပေးခဲ့ရင် code တွေ ထပ်ကုန် ရှုပ်ထွေးကုန် မှာ စိုးလို့Windows 9 မထုတ်တာ ဖြစ်ပါတယ်။

Windows 10 မှာ တခြားပြုပြင် ပြောင်းလဲမှုတွေ လုပ်ဆောင် ထားပါလိမ့်မယ်။ အဓိက အကျဆုံးအနေနဲ့ လုပ်ဆောင် မှာက စားပွဲတင်၊ ကွန်ပျုတာ၊  လက်ပ်တော့၊ မိုဘိုင်းလ် စမတ်ဖုန်း စတာတွေရဲ့ မြင်ကွင်းပုံစံ အနေအထား၊ လုပ်ဆောင် ပုံစံတွေ အမျိုးမျိုး ဖြစ်နေတာကို ပုံစံတခုတည်း အနေနဲ့ အနီးစပ်ဆုံး တူညီအောင် ဒီဇိုင်း လုပ်ထား ပါလိမ့်မယ်။

သဘောကတော့ အရွယ်အစား၊ စွမ်းဆောင်ရည် စတဲ့ နည်းပညာပိုင်း ဆိုင်ရာ အချက်အလက်တွေ မတူညီကြတဲ့ ကွန်ပျူတာ၊ လက်ပ်တော့၊ မိုဘိုင်းလ်ဖုန်း၊ တက်ဘလက် စတာတွေ အားလုံးကို မြင်ကွင်းပုံစံ အနေအထား ထပ်တူနီးပါး မြင်တွေ့ သုံးစွဲနိုင်ပါ လိမ့်မယ်။ ဝင်းဒိုးစ် ၁၀ ကို ၂၀၁၅ ခုနှစ် ဒုတိယ ၃လပတ်၊ နှစ်လယ်ထဲမှာ ဈေးကွက်တင်ပါ လိမ့်မယ်။

Universal Laptop Charger

လက်ပ်တော့ ချာဂျာပျက်တာ၊ ပျောက်သွားတာမျိုး ဖြစ်ခဲ့ရင် အလုပ်ပျက်တဲ့ အပြင် အဲဒီလက်ပ်တော့ ချာဂျာကို အစားထိုး ၀ယ်သုံးဖို့ လုပ်ရတာ အချိန်ကုန်၊ ငွေကုန် ဖြစ်လေ့ရှိပါတယ်။ မူရင်းချာဂျာတွေရဲ့ ဈေးကလည်း မပေါလှ ပါဘူး။ အင်တာနေရှင်နယ် အီလက်ထရို တက္ကနီကယ်ကော်မရှင် ကနေ စွယ်စုံသုံးနိုင်တဲ့ လက်ပ်တော့ပ် ချာဂျာတွေရဲ့ နည်းပညာပိုင်းဆိုင်ရာ အချက်အလက်တွေကို ပြီးခဲ့တဲ့နှစ်က သတ်မှတ်ခဲ့ပါတယ်။

ဘယ်လို ချာဂျာမျိုး၊ ဘယ်လိုပုံစံမျိုး ထုတ်လုပ်သုံးကြမလဲ ဆိုတာ အတိအကျ မသိရသေးပေမယ့် ဖုန်းတွေနဲ့ တက်ဘလက် တွေမှာလို Micro USB ချာဂျာလိုမျိုး စွယ်စုံသုံးနိုင်မယ့် သဘောရှိပါတယ်။ ထုတ်လုပ်သူတွေမတူရင် ချာဂျာတွေ၊ ပါဝါခေါင်းတွေ မတူကြသလို ထုတ်လုပ်သူတွေ တူပြန်ရင်လည်း မော်ဒယ်မတူရင် ခေါင်းတွေ မတူလို့ သုံးမရတာ ကြာခဲ့ပြီး ဖြစ်ပါတယ်။ အခုလို စွယ်စုံသုံးနိုင်ခဲ့ရင်တော့ ကိုယ့်လက်ပ်တော့ ချာဂျာကို မရရအောင် လိုက်ရှာရတဲ့ ဒုက္ခရှိတော့မှာ မဟုတ်ပါဘူး။

PC တွေကို ကြိုးမဲ့ချိတ်ဆက်ဖို့

ပီစီတွေကို ကြိုးမဲ့ချိတ်ဆက်မယ် ဆိုတာ ကြိုးမဲ့ဆက်သွယ်ရေး Wi-Fi သုံး၊ ပီစီ တွေ အချင်းချင်းချိတ်ဆက်တာ၊ အင်တာနက်နဲ့ ချိတ်ဆက်တာမျိုး မဟုတ်ပါဘူး။ ပီစီနဲ့ မော်နီတာ၊ ပီစီနဲ့ စမတ်တီဗွီတွေကို ကြိုးမဲ့ ချိတ်ဆက်သုံးဖို့ ဖြစ်ပါတယ်။ ဗွီဒီယိုဒေတာတွေကို ပို့ယူဖို့ လိုအပ်တဲ့အတွက် တော်ရုံမြန်နှုန်းမြင့် ဆက်သွယ်မှုနဲ့တင် မလုံလောက် တော့ပါဘူး။

အဲဒီလို လုပ်ဆောင်ဖို့ အင်တဲလ်က ကြိုးပမ်းနေတာဖြစ်ပြီး နည်းပညာက WiGig (Wireless Gigabit)  နဲ့ WiDi (Wireless Display) ဖြစ်ပါတယ်။ အဲဒီ နည်းပညာတွေက အခုမှ တီထွင် ထားတာ မဟုတ်ပေမယ့် အသုံးမတွင် သေးပါဘူး။ စမတ်တီဗွီတွေ ကလည်း အခုအချိန်မှာ အင်တာနက်နဲ့ ချိတ်ဆက်နိုင်တဲ့ တီဗွီတွေ၊ HDMI, Display Port သုံးနိုင်တဲ့ တီဗွီတွေ ရှိနေပါပြီ။ ဒါပေမယ့် WiGig လုပ်ဆောင်မှုပါတဲ့ တီဗွီတွေက တော်တော်ရှားနေပါ သေးတယ်။ ၂၀၁၅ ခုနှစ်ထဲမှာ အဲဒီလို ကြိုးမဲ့ ချိတ်ဆက်နိုင်မှုတွေ တိုးတက်လာမှာ ဖြစ်ပေမယ့် ၂၀၁၆ လောက်မှာမှ ကြိုးမဲ့ပီစီတွေ အဆင့် ရောက်လာပါလိမ့်မယ်။

USB Type-C

Apple ရဲ့ Lightning Cable တွေ တီထွင်သုံးခဲ့ပြီး၊ နှစ် အနည်းငယ်ကြာမှ USB တီထွင် ထုတ်လုပ်သူတွေရဲ့ ဦးဆောင် အဖွဲ့အစည်း ကနေ စံသတ်မှတ် ထုတ်လုပ်နိုင်ခဲ့ပါတယ်။ အဲဒီ USB 3.1 ဟာ အရင်က ထုတ်လုပ်သုံးခဲ့ပြီးတဲ့ ဗားရှင်းတွေထက် ပိုမြန်ပါလိမ့်မယ်။ အဲဒီ အမြန်နှုန်း တိုးလာတာထက် အရေးကြီးတာက USB ခေါင်းတွေကို အတည့်ရော၊ ပြောင်းပြန် ပါတပ်ဆင် သုံးနိုင်တဲ့ USB Type-C ကိုသုံးထားတာဖြစ်ပါတယ်။ လက်ရှိသုံးနေတဲ့ USB ကေဗယ်ကြိုးတွေဟာ USB ခေါင်းကိုအတည့်ထိုးမှ သုံးလို့ရတဲ့အတွက် အဆင်မပြေတာကို ပြုပြင်ပြောင်းလဲမှု လုပ်ထားပါတယ်။

ဆမ်ဆောင်းရဲ့ Curved Screen AIO desktop

ဆမ်ဆောင်းက ထုတ်လုပ်ထားတဲ့ All-in-One စားပွဲတင် ပီစီက Curved Screen ကို သုံးထားလို့ ပုံစံတမျိုး ထူးခြားနေ ပါတယ်။ ပဉ္စမမျိုးဆက် Core i စီးရီး Broadwell i5 စီပီယူ သုံးထားပြီး 1TB Hard drive, HDMI ၂၇ လက်မ Screen, 1920 x 1080 resolution , ရှိပါမယ်။ HDMI input ပါတဲ့ အတွက် ဂိမ်း ကွန်ဆိုး၊ Set-top-box တက်ဘလက် ဒါမှ မဟုတ် တခြား device တွေနဲ့ ဆက်နိုင်ပါတယ်။ အဲဒီ AIO Ativ One 7 Curved ကို ၂၀၁၅ ပထမ ၃ လပတ် ထဲမှာ ဈေးကွက်တင်မှာ ဖြစ်ပြီးရောင်းဈေး ဒေါ်လာ ၁၃၀၀ လောက်ရှိပါတယ်။

ဖိုးနိုင်ဝင်း (မာစတာပိစ်)

၂၀၁၄ ခုနှစ်၏ အကြီးကျယ်ဆုံး ဆိုက်ဘာ တိုက်ခိုက်မှုများ

၀၁ ဇန်နဝါရီ ၂၀၁၄

Syrian Electronic Army သည် NSA ၏ စုံစမ်းထောက်လှမ်းမှုကို ဆန့်ကျင်သည့် အနေဖြင့် Skype ၏ Twitter account, Facebook page နှင့် blog တို့ကို တိုက်ခိုက်ခဲ့သည်။ ထို့အပြင် အမှုဆောင် အရာရှိချုပ် စတိဗ်ဘောလ်မား၏ ဆက်သွယ်မှု အချက်အလက် ပေါက်ကြားခဲ့ပြီး Skype ၏ Twitter account ဖြင့် “Microsoft Email များကို မသုံးပါနှင့်။ ၎င်းတို့က သင်၏ account များကို စောင့်ကြည့်ပြီး အချက်အလက် များကို အစိုးရထံ ရောင်းချနေသည် #SEA” ဟူသော tweet ကို ရေးသားခဲ့သည်။

၀၂ ဇန်နဝါရီ ၂၀၁၄

ဟက်ကာများသည် Snapchat DB ဟုခေါ်သော အမည်ဖြင့် Snapchat သုံးစွဲသူ ၄.၆ သန်း၏ username များနှင့် ဖုန်းနံပါတ်များကို ဖော်ပြခဲ့သည်။

၀၃ ဇန်နဝါရီ ၂၀၁၄

Steam, Origin, Battle.net နှင့် League of Legneds ကဲ့သို့သော ဂိမ်းဆိုက်များ၏ ဆာဗာများသည် DDoS တိုက်ခိုက်မှုများကြောင့် ယာယီ ရပ်ဆိုင်းခဲ့သည်။

၀၇ ဇန်နဝါရီ ၂၀၁၄

H4x0r HuSsy ဟုခေါ်သော ပါကစ္စတန် အခြေစိုက် ဟက်ကာသည် Linux distro OpenSUSE ၏တရားဝင် ဖိုရမ်များကို deface လုပ်ခဲ့ပြီး မှတ်ပုံတင်ပြီး အသုံးပြုသူ ၇၉,၅၀၀ ၏ account အသေးစိတ် အချက်အလက် များ ပေါက်ကြားခဲ့သည်။

၂၄ ဇန်နဝါရီ ၂၀၁၄

Syrian Electronic Army သည် CNN Facebook page နှင့် Twitter account အပါအဝင် CNN မှ ပိုင်ဆိုင်သည့် account များကို တိုက်ခိုက်ခဲ့သည်။ တိုက်ခိုက်ခံရသည့် account များမှ ပြုလုပ်ခဲ့သည့် tweet များတွင် အယ်လ်ကိုင်ဒါကို စီအိုင်အေက ထောက်ပံ့ပေးခဲ့ပုံနှင့် ဆီးရီးယန်း ပြည်နယ်ကို အယ်လ်ကိုင်ဒါက ထိန်းချုပ်ထားသည်ဟူသော အိုစမာ ဘင်လာဒင်၏ ပြောကြားချက်သည် လိမ်လည်မှုများသာ ဖြစ်ကြောင်း အဓိပ္ပာယ်ရသည့် tweet များ ပါဝင်ခဲ့သည်။ ထို့အပြင် CNN ၏ account ကို တိုက်ခိုက်ခဲ့ရခြင်းမှာ အလိမ်အညာများအတွက် လက်တုံ့ပြန်ခြင်း ဖြစ်ကြောင်း Syrian Electronic Army က ပြောကြားခဲ့သည်။

၂၆ ဇန်နဝါရီ ၂၀၁၄

ပါကစ္စတန် ဟက်ကာများသည် ကက်ရှမီးယားနှင့် ပတ်သက်၍ ဆန့်ကျင်မှုများအတွက် အိန္ဒိယ ဝက်ဘ်ဆိုက် ၂၀၀၀ ကျော်ကို deface လုပ်ကာ တိုက်ခိုက်ခဲ့သည်။ အဆိုပါ တိုက်ခိုက်မှုသည် အိန္ဒိယ မီးရထား ကဲ့သို့သော ဝက်ဘ်ဆိုက်များ တိုက်ခိုက်ခံရပြီး နှစ်ရက်အကြာတွင် ဖြစ်ပွားခဲ့ခြင်း ဖြစ်သည်။

၁၄ ဖေဖော်ဝါရီ ၂၀၁၄

Syrian Electronic Army သည် Forbes နှင့် Tesco တို့၏ ဝက်ဘ်ဆိုက်ကို တိုက်ခိုက်ခဲ့သည်။ ထိုသို့ တိုက်ခိုက်ခံရမှုကြောင့် email account များထိန်းချုပ် ခံခဲ့ရသော်လည်း password များကို encrypt လုပ်ထားကြောင်း Forbes မှ အတည်ပြုခဲ့သည်။ Tesco ကမူ account ၂၂၀၀ ခန့်ထိန်းချုပ် ခံခဲ့ရကြောင်း ဖော်ပြခဲ့သည်။

၀၆ မတ် ၂၀၁၄

တောင်ကိုရီးယား၏ အကြီးဆုံး ဆက်သွယ်ရေး ဝန်ဆောင်မှု ကုမ္ပဏီဖြစ်သော KT Corp ကိုဟက်ကာများက တိုက်ခိုက်ခဲ့ပြီး သုံးစွဲသူ၏ အချက်အလက်များကို ပေါက်ကြားစေခဲ့သည်။ ထို့နောက် ရဲအဖွဲ့က သုံးစွဲသူ ၁၆ သန်း၏ ဘဏ်အချက် အလက်များ၊ အလုပ်အကိုင် အချက်အလက်များနှင့် အိမ်လိပ်စာများ ရယူခဲ့သည့် ကင်မ်ဟုခေါ်သော ဟက်ကာကို ဖမ်းဆီးခဲ့သည်။

၁၅ ဧပြီ ၂၀၁၄

ဂျာမနီနိုင်ငံ ကိုလုံးမြို့ အခြေစိုက် Aerospace centre ကို ဟက်ကာများက တိုက်ခိုက်ခဲ့သည်။ အဆိုပါ တိုက်ခိုက်မှုအတွက် တရုတ်ဟက်ကာ များအပေါ် သံသယရှိခဲ့ကြသည်။

၁၅ ဧပြီ ၂၀၁၄

eBay က ဟက်ကာများသည် လွန်ခဲ့သည့် ၃ လက ကုမ္ပဏီ၏ ကွန်ရက်များကို တိုက်ခိုက်ခဲ့ပြီး သုံးစွဲသူ မှတ်တမ်း ၁၄၅ သန်းကို ရယူခဲ့ကြောင်း ဆိုခဲ့သည်။ လုံခြုံရေးကျွမ်းကျင် ပညာရှင်များကမူ eBay သုံးစွဲသူများ အနေဖြင့် လိမ်လည်မှုများကို သတိပြုရန်၊ အထူးသဖြင့် account များတွင် တူညီသည့် password ကို အသုံးပြုသူများက သတိထားနိုင်ရန် သတိပေးမှုများ ပြုလုပ်ခဲ့သည်။

၂၂ ဧပြီ ၂၀၁၄

ဟက်ကာများသည် AOL Mail ကို တိုက်ခိုက်ခဲ့ပြီး user account အစစ်အမှန်များဖြင့် spam message များ ပေးပို့ခဲ့ကြသည်။ သန်း ၅၀ ခန့်ရှိသော သုံးစွဲသူများ အနေဖြင့် ၎င်းတို့၏ password များကို ပြောင်းလဲရန် ပညာရှင်များက တိုက်တွန်းခဲ့သည်။

၃၀ ဧပြီ ၂၀၁၄

4chan တည်ထောင်သူ ခရစ္စတိုဖာ ပူလီ ခေါ် မွတ်က image အခြေခံ message board မှာ တိုက်ခိုက်ခံခဲ့ရကြောင်း blog post တစ်ခုတွင် ရေးသားဖော်ပြခဲ့သည်။ ဟက်ကာသည် ဆော့ဖ်ဝဲ အားနည်းချက် တစ်ခုကြောင့် administrative function များကို အသုံးပြုခွင့် ရရှိခဲ့ခြင်း ဖြစ်သည်။

၂၅ မေ ၂၀၁၄

အွန်လိုင်းလုံခြုံရေး ကုမ္ပဏီ Avast ၏ လုံခြုံရေး ဖိုရမ်သည် တိုက်ခိုက်ခံခဲ့ရပြီး တိုက်ခိုက်သူများက သုံးစွဲသူ ၄၀၀,၀၀၀ ၏ password များ၊ username များနှင့် အီးမေးလ်လိပ်စာများကို ဖြန့်ဝေခဲ့သည်။

၁၀ ဇွန် ၂၀၁၄

Twitter ဝန်ထမ်းများ၏ နာမည်များ၊ လိပ်စာများနှင့် Social Security နံပါတ်များသည် အင်တာနက်ပေါ်တွင် ပေါက်ကြား ပေါ်ထွက်လာခဲ့သည်။ ၁၁ ဇွန် ၂၀၁၄ တွင် ဗိုင်းရပ်စ်တစ်မျိုးကြောင့် Twitter သုံးစွဲသူ ၈၄,၇၀၀ မှ တူညီသည့် message များကို tweet ခဲ့ကြပြီး ၎င်း tweet များမှ follower သန်းပေါင်းများစွာထံ ပျံ့နှံ့ခဲ့သည်။

၁၆ ဇွန် ၂၀၁၄

ဟက်ကာများသည် Evernote ၏ ဖိုရမ်ကို တိုက်ခိုက်ခဲ့ပြီးနောက် ကုမ္ပဏီက အဖွဲ့ဝင် ၁၆၄,၆၀၀ ၏  password များ ပြောင်းလဲရန် အီးမေးလ်ပေးပို့ကာ တိုက်တွန်းခဲ့သည်။

၂၄ ဇူလိုင် ၂၀၁၄

ဥရောပသမဂ္ဂ ဗဟိုဘဏ် ဝက်ဘ်ဆိုက်သည် ဟက်ကာများ၏ တိုက်ခိုက်မှုကို ခံခဲ့ရပြီး ဝန်ထမ်းနှင့် သုံးစွဲသူများ၏ ကိုယ်ရေးကိုယ်တာ အချက်အလက်များ ခိုးယူခံခဲ့ရသည်။ ဟက်ကာများက အီးမေးလ် လိပ်စာ ၂၀,၀၀၀ အပြင် တယ်လီဖုန်း နံပါတ်များ ပါဝင်သည့် database ရယူနိုင်ခဲ့ကြောင်း ပြောကြား

ခဲ့သည်။

၂၄ သြဂုတ် ၂၀၁၄

Lizard Squad ဟုခေါ်သော ဟက်ကာအဖွဲ့သည် Sony ၏ PlayStation Network ကို DDoS တိုက်ခိုက်မှုဖြင့် တိုက်ခိုက်ခဲ့သည်။ သို့ရာတွင် အချက်အလက်များ ပေါက်ကြားခဲ့ခြင်း မရှိကြောင်း Sony မှ ပြောကြားခဲ့သည်။

၃၁ သြဂုတ် ၂၀၁၄

ဟောလိဝုဒ်မှ ထင်ရှားကျော်ကြားသူ အချို့၏ iCloud account များ တိုက်ခိုက်ခံခဲ့ရပြီး ၎င်းတို့၏ ဝတ်လစ်စလစ် ဓာတ်ပုံများမှာ အွန်လိုင်းပေါ်တွင် ပျံ့နှံ့ခဲ့သည်။ အဆိုပါ ဓာတ်ပုံများသည် 4chan ပေါ်တွင် ပထမဦးဆုံး ပေါ်ထွက်လာခဲ့ပြီး နောက်ပိုင်းတွင် Reddit ပေါ်၌ ပျံ့နှံ့ခဲ့သည်။

၁၇ စက်တင်ဘာ ၂၀၁၄

eBay ဝက်ဘ်ဆိုက်သည် တိုက်ခိုက်ခံခဲ့ရပြီး ၎င်းဆိုက်ရှိ ထုတ်ကုန်စာရင်းကို click နှိပ်သူတိုင်းသည် eBay နှင့် ဆင်တူသည့် သုံးစွဲသူ၏ အချက်အလက်များ ခိုးယူသော အခြားဆိုက် တစ်ခုသို့ အလိုအလျောက် ရောက်ရှိသွားခဲ့သည်။

၀၇ အောက်တိုဘာ ၂၀၁၄

နာမည်ကျော် cloud sharing ဝန်ဆောင်မှု ဖြစ်သော Dropbox သည် brute-force attack ကို အသုံးပြုသည့် ဟက်ကာများ၏ တိုက်ခိုက်ခြင်းကို ခံခဲ့ရသည်။ ထို့အတွက်ကြောင့် သုံးစွဲသူ ၇ သန်း၏ account များမှာ ပေါက်ကြားခဲ့သည်။

၀၉ အောက်တိုဘာ ၂၀၁၄

Snapchat မှ ဓာတ်ပုံနှင့် ဗီဒီယိုများကို သိမ်းဆည်းပေးသည့် third party application ဖြစ်သော Snapsaved သည် ဟက်ကာများ၏ တိုက်ခိုက်မှုကို ခံခဲ့ရပြီး 13GB ပမာဏရှိသော ဓာတ်ပုံနှင့် ဗီဒီယိုဖိုင်များ ခိုးယူခံခဲ့ရသည်။

၂၉ အောက်တိုဘာ ၂၀၁၄

မြောက်ကိုရီးယားရှိ ဟက်ကာများသည် တောင်ကိုရီးယားရှိ ဂိမ်းများတွင် ကူးစက်နိုင်သည့် malware ကို ဖြန့်ချိခဲ့သည်။ အဆိုပါ  malware သည် ထုတ်ကုန် ၂၀,၀၀၀ တွင် ကူးစက်ပျံ့နှံ့ခဲ့သည်။

၁၀ နိုဝင်ဘာ ၂၀၁၄

အမေရိကန် စာပို့ဝန်ဆောင်မှု (USPS) သည် တရုတ် ဟက်ကာများဟု ယူဆရသူများ၏ တိုက်ခိုက်မှုကို ခံခဲ့ရပြီး ဝန်ထမ်းများ၏ အမည်များ၊ လိပ်စာများ၊ လူမှုရေး နံပါတ်များ ပေါက်ကြားခဲ့သည်။

၂၄ နိုဝင်ဘာ ၂၀၁၄

Sony Pictures Entertainment ကို Guardians of Peace ဟုခေါ်သည့် ဟက်ကာအဖွဲ့က တိုက်ခိုက်ခဲ့သည်။ ၎င်းတိုက်ခိုက်မှုကို မြောက်ကိုရီးယားမှ ဟက်ကာများက ဦးဆောင်သည်ဟု ယူဆခဲ့သည်။ အဆိုပါ ဟက်ကာအဖွဲ့သည် မြောက်ကိုရီးယား ခေါင်းဆောင် ကင်မ်ဂျုံအွန်ကို လုပ်ကြံသည့် ဟာသဇာတ်ကားဖြစ်သော The Interview ကို ပြသခြင်း မပြုရန် တောင်းဆိုခဲ့သည်။ ထို့အပြင် ဟက်ကာများသည် Sony ဆာဗာများမှ 100TB ပမာဏရှိသည့် အချက်အလက်များကို ရယူခဲ့ကြောင်း ဆိုခဲ့သည်။

Internet Journal